Шолжа-Пхьа
Шолжа-Пхьа, иштта Шолжа-ГӀала (я) (эрс: Сунжа, ингал: Sunzha) — ГIалгIай Мехка Шолжа шахьара пхьа. Цу шахьара административни юкъ лоархIаш я.
Географи[тоаде | тоаде чура]
Шолжа-Пхьа улл Магасагара 22 км гаьна гIинбухе-малхбоалехьа, Шолжа хин атагIа.
Тархьар[тоаде | тоаде чура]
._Floriant_Gille._Lettres_sur_le_Caucase_et_la_Crim%C3%A9e._1859.jpg)
Шолжа-Пхьан тархьар XIX бӀаьшера 30-ча шерашкара дIадолалу. КӀурий-Юрт яхаш хиннай из . Из йиллар Леймера Ӏаьла воӀ КӀури ва. 1845-ча шера эрсий паччахьий Iаьдало цун моттиге гIазакхий станица Iойиллай «Слепцовская» аьнна цIи а тилла, хIаьта гIалгIаша Сипсой-ГӀала оалаш хиннад цох. Советий Iаьдал даьккхачул тIехьагIа «Орджоникидзевски» аьнна цIи тилла хиннай юртах. Из йолаш хиннай из 2016 шу кхаччалца. 2015 шера Этинга 5 дийнахьа юртах цкъарчоа гӀала тайпан йола юрт хьаяьй. ТIаккха 2016 шера Саькур 3 дийнахьа Россе Федераце Правительства амарца Шолжа аьнна цӀи тиллай цунах. Цу шера Лайчилла 25 дийнахьа гIала тайпан йолча юртах пхьа хьаяьй. Цу дийнахьа денз Шолжа-Пхьа яхаш цIи йолаш хьайоагIаш я.
Факташ[тоаде | тоаде чура]
1994 шера Тушол 24-гIча дийнахьа Сипсой-ГӀала тIа — Галашка нах дӀа-хьа кхувла автобуса чу цIи ялар хиннад. Шовзткъе виъ саг цӀералла ваьга веннав цу дийнахьахь.
Баха нах[тоаде | тоаде чура]
Шолжа-Пхье 64 041 саг ва вахаш (2015 ш.).
Къамаш
СССР а Эрсийче а хьисап деш нах дIаязбара хоамашца лард йолаш Шолжера къамий лоаттам
| Хьисап деш нах дIаязбара шу | |||||
| гIалгIай | 57 (0,69 %) |
↗4 694 (29,60 %) |
↗7 262 (46,59 %) |
↗30 916 (47,48 %) |
↗55 480 (90,07 %) |
| эрсий | 7 669 (92,97 %) |
↗9 419 (59,39 %) |
↘6 643 (42,62 %) |
↘887 (1,36 %) |
↘561 (0,91 %) |
| нохчий | 97 (1,18 %) |
↗490 (3,09 %) |
↗873 (5,60 %) |
↗32 789 (50,36 %) |
↘4 647 (7,54 %) |
| кхыбараш | 426 (5,16 %) |
1 256 (7,92 %) |
810 (5,19 %) |
520 (0,80 %) |
910 (1,48 %) |
| берригаш | 8 249 (100 %) | 15 859 (100 %) | 15 588 (100 %) | 65 112 (100 %) | 61 598 (100 %) |
ТIатовжамаш[тоаде | тоаде чура]
- ↑ Этнокавказ. Национальный состав населения Сунженского района по переписи 1939 года.
- ↑ Этнокавказ. Национальный состав населения Сунженского района по переписи 1970 года.
- ↑ Этнокавказ. Национальный состав населения Сунженского района по переписи 1979 года.
- ↑ Этнокавказ. Национальный состав населения Сунженского района по переписи 2002 года.
- ↑ ВПН том 4. Таблица 4. Население по национальности и владению русским языком Республики Ингушетия.