Матенаькъан Ӏаббаса Ильяс

Кечал я укхазара: Википеди
Перейти к навигации Перейти к поиску

Матенаькъан Ӏаббаса Ильяс
Матиев Ильяс Аббасович
Ваь ди 5 Саькур 1985(1985-02-05) (36 шу)
Ваь моттиг СурхотӀе, Наьсарен шахьар, ГӀалгӀайче, Эрсече
БӀорахол Россе ФедерациFlag of Russia.svg Россе Федераци
Леладу гӀулакх прозаик, оазархо, хоамбоаржабархо
Кхолламаш даь шераш 2008-ча шера денз
Кхолламий никъ публицистика, исбахьален литература
Жанр статьяш, дувцараш, фаьлгаш, оазараш
Кхолламий мотт гӀалгӀай, эрсий
Дебют 2008, «Сердало» газета, оазараш

Матенаькъан Ӏаббаса Ильяс (эрс: Матиев Ильяс Аббасович) — гӀалгӀай хоамбоаржабархо, йоазонхо, оазархо, иштта радиоболхло, диктор, тӀоговзанча.

Вахара сурт оттадар[тоаде | тоаде чура]

Дешар[тоаде | тоаде чура]

Матенаькъан Ильяс ваьв 1985-ча шера Саькур 5-ча дийнахьа СурхотIа. Цигарча школе дийшад (1991-2002 шш). Цхьацца йоазонаш 8-гӀча класса хана денз деш хиннав. Школе деша вагӀаш гIалгIай моттеи литературеи даькъе ГIалгIай мехка хиннача школай яхьашка да́къалоацаш толамаш даьхад цо.

Школа яьккхача ГӀалгӀай паччахьалкхен университете химе-биологен факультете деша отт, «Хими» яхача даькъе. ЦхьоалагӀа курс ма яьккхинге цигара хьа а ваьнна технологе-педагогикай факультете заочно отт («Технология и предпринимательство» яхача). 2009-ча шера из йоаккх цо. 2010-ча шера лакхерча дешарче шозлагӀа вода: филологен факультете «Эрсий мотти, эрсий литератураи. ГӀалгӀай мотти гӀалгӀай литератураи» Ӏомадеш деша отт. 2016-ча шера из чакхдоаккх цо.

Болх[тоаде | тоаде чура]

2004-2010 шерашка цхьан гӀишлонхой организаце тӀоговзанчалла болх баьб. 2006-2010 шерашка СурхотӀарча кхоалагӀча школе лакхерча классашка багӀачарна эзделах лаьца хьехараш деш болх лелабаьб. 2013-ча дешара шера Магаса цхьоалагӀча лицее гӀалгӀай мотти литературеи хьехаш хул.

2010-2015 шерашка «Ангушт» радио тӀа «Наьна мотт» яха хьокхаче хьош, вешта диктор а, тоадерхо-корреспондент а хиннав. ГӀалгӀай мехка бахархошта Ильяса цӀи эггара хьалхагӀа хаза йолаенна ха я радио тӀа яьккха́р. 2010 Лайчилла бетта денз 2012 шера Этингага кхаччалца «Маьл» яхача дикача Ӏамала фонде лаьрххӀа вола корреспонденталла лел, карарча хана «Маьл» яхача фонда попечительски совете да́къа лоац.

2012-ча шера денз вай ханнолца «Эздел» яхача культурно-просветительски юкъарче доакъашхо ва, цига цхьацца проекташ дӀахьош е новкъостал деш ва.

2014-ча шера Села 10-ча дийнахьа денз АьрхӀий цхьоалагӀча денга кхаччалца йола ха Оахарганькъан ЧхьагӀа цӀерагӀа йолча Ӏилман-тохкама института болхло волаш яьккхай фольклореи этнографени ралса чу.

2014-ча шера денз 2016-га кхаччалца КъТРК «ГӀалгӀайче» ши хьокхаче дӀахьош хиннав. 2012-2013 шерашка «Ингушетия» (ГӀалгӀайче) яхача газете контракта статьяш язъеш ва, 2013-2015 шерашка — иззамо гӀулакх «Сердало» леладаьд, вешта-м цун йоазонаш 2008-ча шера денз арадувл цига. 2015-ча шерагара денз газета бехктокхаме волча секретара дарже ва.

Цул совгӀа, «Эздел» яхача юкъарче берий кинош чура турпалашта оаз юлаш болх бу. Ишта, 2018-ча шера «Лом паччахь» яхача фаьлга Тимона а́мал ловздаьд, хӀаьта 2020-ча шера «Мадагаскара» Джулион-паччахьа оаз еннай.

Дезал[тоаде | тоаде чура]

Саг йоалаяь ва. Цхьа воӀ кхеву.

Кхолламаш[тоаде | тоаде чура]

  • «Дувцараши фаьлгаши»
  • «Коа тӀара хьайбаши олхазараши»
  • «ГӀалгӀай ага иллеш»

Белгалдаккхар[тоаде | тоаде чура]

ТIатовжамаш[тоаде | тоаде чура]