Ангушт (радио)

Кечал я укхазара: Википеди
Перейти к навигации Перейти к поиску

Ло:Радиостанция «Радио Ангушт» (я)гӀалгӀай къаман FM-диапазона радиостанци. 2010-ча шера Маьцхали бетта денз 2015-ча шера Чан-тар беттага кхаччалца 104,0 107,4 МГц талгӀе тӀа болх беш хиннай.

Тархьар[тоаде | тоаде чура]

Радиостанце хьалхара эфир 2010-ча шера Маьцхали 3-ча дийнахьа хиннай. 21 января 2013-ча шера АгӀой 21-ча дийнахьа радио хоамбоаржабархо йолча Налганаькъан М.А. «Радио тӀа эггара дикагӀйола аналитикай программа» яхача номинаце толам баьккхаб, «Къонахчала ЦӀов (седкъарче)» яхача пхелагӀча ерригача Россе фестивала «адамий кхерам цахиларани кӀалхарбахарани» тематиках[1].

Цу шера «Ангушт» радиостанци RADIO STATION AWARDS 2014 яхача кортамукъача мугӀама юкъе наминанталла йихьай[2]

Радио «Ангушт» денна-бусса болх беш а йолаш, ГӀалгӀай мехка ше мо кхы йоацаш хиннай. Радио керттера уйла — динцаи эзделцаи нах тӀахьехар а, кхаъаш телараи, экстремизмаи радикализмаи духьале яр а хиннай. Ший хьокхачеш гӀалгӀайи, эрсийи метташка кхехьай. Радио гӀоз еррига ГӀалгӀайче чулоацаш хургйолаш аьнна бар, бакъда Нохчий а ХӀирий а мехкай даькъе а ладувгӀалуш хиннай. Иштта маза чу а онлайн кхейкаеш хиннай: радиостанце официальни оагӀон тӀеи, вешта гӀалгӀай маза-коашкеи. Из бахьан долаш ладувгӀархой гом дуккха шерагӀлуш хиннаб арахьа бахача гӀалгӀаша а ладувгӀаш[3].

Хьокхачеши рубрикаши[тоаде | тоаде чура]

Радиостанце эфире хоамаи, тахкараи мукъамаи хьокхачеш хиннай гӀалгӀай къаман а бусулба а тематиках[4]. Радиос тайп-тайпара Ӏилман лекцеш а, яхьаш а, кхыйола динца ювзаенна а, йоацаш а мероприятеш йора[5].

Болх цӀенах а тешамегӀа а хиларга сатувсаш радио дакъалоацаш дукха Ӏилманхой а, йоазонхой а, дийша, Ӏалам-нах а, Ӏаьдала болхлой а хиннаб[6][7].

Белгалдаккхар[тоаде | тоаде чура]