Саькура бутт
| Саькура бутт | |||||||||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
|
|||||||||||||||||||||||||||||||||||||||||||
| 2023 шу | |||||||||||||||||||||||||||||||||||||||||||
Саькура бутт (эрс: Февра́ль) — гӀалгӀай ханорга шоллагӀа бутт. ВӀаший нийслуш ба Февралаца — юле ханорга а григоре ханорга а шоллагӀча беттаца. Шера́ юкъе эггара зӀамагӀа бутт ба Саькура бутт, 30-ннел кӀезигагӀа ди долаш из цаӀ мара бац: массаза а 28 ди долаш хул, амма високосни шерашка 29 ди чулоац цо. Лаьттан ГӀинбухен ахбура тӀа Ӏан кхоалагӀа бутт ба, Лаьттан ЗӀилбухен ахбура тӀа — ахкан кхоалагӀа бутт ба (ГӀинбухен ахбура тӀа Маьцхали бетта эквивалент).
ЦӀи[тоаде | тоаде чура]
Беттай цӀераш гӀалгӀай меттала башх-башха йоалаяь хиннай хьалха дӀабаха́ча тайп-тайпарча тохкамхоша. Царна тӀа а товжаш хӀанзарча тохкамхоша шоашта хетачох нийсагӀа я аьнна массехк тайпара беттай цӀераш яр ГӀалгӀай Мехка лелаеш, вешта аьлча, массехк ханоргаш дар. Царех да, масала, Коазой Ӏийсас оттадаьр, ГӀалгӀай Ӏилман-тохкама институто оттадаьр, СелаӀад тептаро оттадаьр, Мерешканаькъан Султана оттадаьр[1]. 2022 шера ГӀалгӀайчен Мехкдаь распоряженеца официальни дӀачӀоагӀъяьй гӀалгӀай меттала беттай цӀераш[2], уж дукхагӀа вӀаший тарлуш я Мерешканаькъан Султана оттаяьча беттай цӀерашца. Мехка тайп-тайпара йолча организацештеи учрежденештеи хьийхад дӀачӀоагӀъяь йола беттай цӀераш лелае аьнна. Из бахьан долаш ГӀалгӀай Википеде а лаьрхӀад уж лелае.
| Шу | Автор | ЦхьоалагӀча бетта цӀи | Официальни тӀаийцар |
| 2001 | Коазой Ӏийса | Саькур | — |
| 2018 | «СелаӀад» тептар | — | |
| 2021 | ГӀалгӀай Ӏилман-тохкама институт | Саькура бутт | — |
| 2022 | Мерешканаькъан Султан | Саькура бутт[3] | — |
| 2022 | Саькура бутт | ✔ |
МаӀан[тоаде | тоаде чура]
Латиний меттала Februārius mēnsis яхар («Фебрууса бутт», «цӀенвеш бола бутт») хьадаьннад лат: Februa («цӀенвалара цӀай») яхача деша тӀара.
СедкъаӀилма[тоаде | тоаде чура]
ХӀанзарча заман григоре ханоргах Маьцхали 16 денга кхаччалца Малх «Бодж» яхача седкъарче чу латташ хул, Саькура 16 ди денз — «КӀудал» яхача седкъарче чу хул[4][5].
Белгалдаккхар[тоаде | тоаде чура]
- ↑ Мерешков, 2022.
- ↑ Единая форма наименований месяцев календаря на ингушском языке, 2022.
- ↑ Мерешков, 2022, с. 10.
- ↑ Цхьан шера Малхо го боаккха 12 доацаш, 13 седкъарче гӀолла. Керда седкъарчий гона хьарак — «Змееносец»
- ↑ Климишин И. А. Календарь и хронология. Изд. 3. М., Наука, 1990. С. 41
Литература[тоаде | тоаде чура]
- Мерешков С. Ингушский народный календарь: к истории вопроса // Сердало : газет. — 2022. — февраля 3 дийнахьа (№ 4 (12531)). — С. 10—12.
- Круглый год. Русский земледельческий календарь. — М: «Правда», 1989. ISBN 5-253-00598-6
- Народный Месяцеслов. — М: «Современник», 1992. ISBN 5-270-01376-2
