Берд-Юрт

Кечал я укхазара: Википеди
Перейти к навигации Перейти к поиску
Эйла
Берд-Юрт
Берд-юрт
эрс: Берд-Юрт, нохч. Берд-Юрт
43°12′57″ с. ш. 45°06′37″ в. д.HGЯO
Паччахьалкхе Россе ФедерациFlag of Russia.svg Россе Федераци
Федерацен Субъект ГӀалгӀайче
Муниципальни шахьар Шолжа
Эйла Берд-Юрт
Да Гадаборшнаькъан Салмана Мохьмад
Тархьари географии
Йиллай 1999 год
Юкъарчен лакхал 393 м
Iалама лоаттам юккъера
Ба́ха нах
Ба́ха нах 392[1] саг (2018)
Къамаш гӀалгӀай, нохчий
Динош бусулбаш-сунниташ
Катойконим берд-юртхо, берд-юртхой
Дагарга идентификатораш
Телефона код +7 87341
Пошта индекс 366237
Код ОКАТО 96225808001
Код ОКТМО 26610450101
Гучадаккха/къайладаккха мехкасурташ
Берд-Юрт (Россия)
Green pog.svg
Берд-Юрт
Red pog.svg
Москоа


Берд-Юрт — (эрс: Берд-Юрт, ингал: Berd-Jurt) — эйла я ГIалгIай Республика Шолжа шахьаре.

Географи[тоаде | тоаде чура]

Берд-Юрт улл Эса бердаца шаьрача мотте. Додача хица Iовийрза дӀа а этта хьажача, юрта лакхе аьрдехьа гобаьккха хьу я, аьттехьа лохе гIолла Iододаш Эса аьле да. Берд-Юрта доазув да ГIалгIайчен юрташца: Чималхацеи, ГIажара-Юртацеи, цул совгӀа, цу юрта доазув да Нохчичен АгӀа-Боарзеца.

Тархьар[тоаде | тоаде чура]

Берд-Юрт Ӏойилла дукха ха яц, Россе паччахьалкхен къонагӀчарех я. Юххьанца юрт Ӏоюллача хана, тхьовра хьалха Совета Ӏаьдала хана денз ГӀажарий-Юртарча колхозо дӀадувш леладу лаьтташ мара, кхы хӀама дацар Берд-Юрта. 1999-ча шера апрель бетта 24-ча дийнахьа, «Поселок Южный», аьнна, цӀи а йолаш, юрт Ӏойилла хиннай укхаза, Нохчиче лаьттача тӀемах байдда, беха Ӏобаьхка нах баха Ӏоховшаргболаш, ГӀалгӀайчен хьалхара мехкда хиннача Овшанаькъан Султана Руслана амарца.

Цул тӀехьагӀа 2001-ча шера, цӀихеза бугӀа волча Йовлой Берда цӀерагӀа, «Берд-Юрт» аьнна, хийцай юрта цӀи.

2007-ча шера керттера маьждиг хьалдаьд.

Юрт ше къона яле а, къаьнарча юрта санна баха цигара нах. Цхьа доккхий вӀаштӀардаь шиъ, кхоъ гӀат йолаш цӀенош дац укхаза бахача наьх. Деррига цӀенош да, вахача сага кхоачам болаш, миско хьалдаь.

Баха нах[тоаде | тоаде чура]

1999-ча шера ер юрт Ӏойиллалца, нах а бахаш, укхаза цхьаь цӀа хиннадац. Из ишта хиннадале а, цаӀ воагӀаш а, шиъ воагӀаш а, кхы дукхагӀа боагӀаш а, шоашта баха нах хьатӀа а ухаш, хӀанз тоъал нах а бахаш юр. Таханарча дийнахьа Берда-Юрта – воккха а, зӀамига а – 530 саг вах, хӀаьта деррига укхаза дагӀа нах бахаш дола цӀенош 115 цӀа да. Баха нах, ши саг волаш а, итт саг волаш а ба укхаза, вешта, юккъера дӀалаьрхӀача хӀара дезала виъ, ялх саг хул. Юрт ше къона яле а, 80 шерага кхаьча боккхий нах баха укхаза. Из да, юрт къонача тӀехьенна лаьрхӀа йилла ца хилар. Нохчашкахьа тӀом латтача хана цигара беха хьалбаьхка дукха нах ба укхаза.

ТIаатовжамаш[тоаде | тоаде чура]

  1. Россе Федерацен бахархой дукхал. ЛаьрхIай муниципальни образованешка 2018 шера АгIой 1 дийнахьа. ТIехьара хьажар хиннад 25 Баьцамеа 2018. Архиве оттадаьд хьалхара хьаста чура 26 Баьцамеа 2018.