Хими

Ӏилма
Хими
ингал: chemistry, эрс: химия
Тема	Ӏалам довзар
Тохка предмет	элементаш, хоттамаш, хӀамаш
Хьахинна мур	XVIII бӀаьшу
Керттера наькъаш	органикай йоаца хими, органикай хими, биохими
Медиафайлаш Викиларма чу

Хи́ми (хьадаьннад Iар. کيمياء‎ яхачох) — хӀамаши, цу хӀамай лоаттами оттами тохкаш дола Ӏилма. Цул совгӀа химе тохк цхьан хӀамах кхыйола хӀама хьа мишта хилар а — химе реакцеш, уж реакцеш хьахулаш болх беш дола законаш а.

Еррига хӀама зирхатех латтандаь, хӀаьта зирхаташ химе бувзамца хотта а луш молекулаш хьае могаш а йоландаь, химе ше тохкашдар эггара хьалха зирхаташкареи молекулашкареи денз хьайола а енна тохк, е вешта аьлча химе элементашкареи цар бувзамашкареи.

Хими иштта чӀоагӀа физикацеи биологицеи ювзаенна я, царна юкъе къоастам а бехкамаца увттабеш ба. Цу Ӏилмашта юкъерча доазон тӀа долчарех да: квантови хими, химе физика, физикай хими, геохими, биохими, иштта кхыдараш а.

Хими Ӏаламдовзара доккхеи лоадам болаши да́къа (область) дӀалоацаш дола Ӏилма да.