Письмо (кино)
| Письмо | |
|---|---|
 | |
| Режиссёр | Ӏамархананаькъан Амур |
| Оператор | Александр Родин |
| Кинокомпани | INKI |
| Паччахьалкхе | Россе Федераци, ГӀалгӀайче |
| Мотт | эрсий, гӀалгӀай |
| Шу | 2024 |
| Хьалха дӀадаха фильм | Сайти — сын Зовли |
«Письмо» — йизза метраж йола гӀалгӀай кино да. Ӏамархананаькъан Амура даьккхад 2024 шера. Советий хана 1970-ча шерашка боккъонца хиннача хӀамашца бух болаш даьккхад. Кино 2024 шера гурахьа арадала дезаш да. Из даккхар а арахецар а хоттадаьд ГӀалгӀай Республика хьахинна 100 шу дузаш дездарца. Премьера Магасе хила езаш я.
Кино даьккхар гӀалгӀай къаман киностуди я «INKI» яхаш. Кино доаккхаш вола режиссёр Ӏамархананаькъан Амур ва. Киноцара болх цар болабенна хиннаб хьалхагӀа лоаца метраж йола «Sajti — Zouli voh» («Сайти ― сын Зовли») яхаш кино даккхарца. ХӀаьта ер «Письмо» яха Ӏамархананаькъан Амура кинопроект юххьанца котъяьлар 2021 шера аьтинга бетта хиннача киноиндустриен дебютантий ГӀинбухерча Кавказерча питчинге. Россе Федерацен культура министр йолча Ольга Любимовас гадаьккхад цу проекта. Иштта, из кино даккха лаьрхӀа да аьнна юххьанца кхайкадаь хиннад 2021 шера. Цу шера даккха дола а даьд[1].
Цул хьалхагӀа кхаь шера сценарий язъяьй, цу белхаца цхьана дукха архивашкара а тархьарца дувзаденна каьхаташ лехаш а тохкаш а. ТӀаккха, кино доаккхаш кхо шу дийзад, цу юкъа кино кулгалхо ший тоабаца хиннаб ГӀалгӀай мехка а, Москве а, Москва-КӀала а, Карелий мехка а, Ленинградски областе а, Казахстане а[2].
Кино даьккхад советий хана 1970-ча шерашка боккъонца хиннача хӀамаш тӀа бух болаш. Кино чу дувц цхьан гӀалгӀай коммунистий тоабано, КПСС ЦК генеральни секретарь волча Леонид Брежневага къаман хьалхара яздаь каьхат дахьар. Цу наькъа царца цхьа къона хирург-онколог а хиннав[2].
Кино даьккха тоаба
[тоаде | тоаде чура]• режиссёр — Ӏамархананаькъан Амур
• оператор — Александр Родин
• продюсер — Ӏамархананаькъан Амур, Анна Арутюнова
• сценарист — Ӏамархананаькъан Амур
• композитор — Ӏамархананаькъан Амур
Белгалдаккхар
[тоаде | тоаде чура]Литература
[тоаде | тоаде чура]- Харсиева Л. «Письмо» на пути к юбилею // «Ингушетия» : газета. — 2023. — тов 11 дийнахьа.
ТӀатовжамаш
[тоаде | тоаде чура]- «Это Кавказ». Режиссер Амерханов представил трейлер нового фильма «Письмо» (эрс.). etokavkaz.ru. Информационно-познавательный мультимедийный портал агентства ТАСС (19.07.2024).
- Темурзиев Д. Ингушский полнометражный художественный фильм «Письмо» Амур Амерханов (эрс.). gazetaingush.ru. Газета «Ингушетия» (24.01.2024).