Малхбузера оакафорд
Малхбузе́ра оа́кафорд (ба) (эрс: Атлантический океан, ингал: Atlantic Ocean) — Лаьттан оакафорд. Доккхалага диллача Тийна оакафорда тIехьа шоллагӀа моттиг лоaцаш ба. Из улл гIинбухехьа Гренландени Исландени юкъе, малхбоалехьа Европаи Африкаи юкъе, малхбузехьа ГIинбухера Америкаи ЗIилбухера Америкаи юкъе, иштта Антарктидан зIилбухехьа.
Малхбузерча оакафорда аре 91,6 млн км² я, цунах 16 % гаргга дIалаьцай фордаши, форда ганаши, форда оасаши. Берда йистера фордий аре йоккха яц, ерригача хин тIехен аре 1 %-ал дукхагIа яц. Хин йоккхал 329,7 млн км³ я, из Дунен оакафорда 25 % йоккхала нийса да. Юкъера кIоаргал — 3736 м, эггара йоккхагIа кIоаргал — 8742 м (Пуэрто-Рико теӀа моттиг). Шера юкъера оакафорда хин дирал 35 ‰ гаргга я. Малхбузера оакафорд чIоагIа чуи-ареи иха бердан така йолаш ба, фордашцеи фордай ганашцеи екъалу цун хин тIехе.
Географи[тоаде | тоаде чура]
Малхбузера оакафорда йоккхала шоллагIа ба. Цун майда 91,66 миллион км² я, хин боарам — 329,66 миллион км³ я. Из баьржа улл субарктически шоралашкара Антарктидага кхаччалца[1]. ХIиндий океанаца гIай (доазув) дод Игольни бухьишка (20° м.й.) тIа гIолла Антарктида бердйист кхаччалца.
| Оакафордаш | Хин тIехен майда, млн.км² |
Йоаккхал, млн.км³ |
Юкъера кIоаргал, м |
Эггара йоккхагIа оакафорда кIоаргал, м |
|---|---|---|---|---|
| Малхбузера | 91,66 | 329,66 | 3736 | Пуэрто-Рико таьӀа моттиг (8742) |
| ХӀиндий | 76,17 | 282,65 | 3711 | Явана таьӀа моттиг (7209) |
| ГӀинбухера | 14,75 | 18,07 | 1225 | Гренланде форд (5527) |
| Тийна | 178,68 | 710,36 | 3976 | Мариана таьIа моттиг (11 022) |
| Дунен | 361,26 | 1340,74 | 3711 | 11 022 |
ТIатовжамаш[тоаде | тоаде чура]
- «Малхбузера океан» БЕЭС тIа (эрс.)
- Энциклопедия «Кругосвет» (эрс.)