Йовлой Довта Хучбар
| Йовлой Довта Хучбар | |
|---|---|
| Дезал | Да́ — Йовлой Довт |
| Звани | довтбий |
| Леладу гӀулакх | баьчча |
Йовлой Довта Хучбар — гӀалгӀай оалама турпал ва; юкъерча бӀаьшерашка цхьан юкъа хинна гӀалгӀай къаман бӀунбаьчча (довтбий).
Тохкамаш
[тоаде | тоаде чура]Хучбар вувцаш бола оалам 1975 шера дӀаязбаь хиннаб гӀалгӀай советий Ӏилманхо-фольклорист хинна волча Дахкилганаькъан ИбрахӀима[1].
Оаламгахьа
[тоаде | тоаде чура]Хучбар Йовлой Довта воӀ ва аьнна хьоахаву оаламгахьа. Цига дувц, моцагӀа ГӀалгӀай мехка моастагӀий боккха бӀу бена хиннаб яхаш. Геттара къиза хиннаб уж яхаш дувц. Хьа а баьхка хӀанзарча СурхотӀе уллача моттиге уж сайцача хана, ГӀалгӀай лоам, боккхийча наха Мехк-Кхел оттаяьй. Цу ханашка, моастагӀчунна духьале е езача хана гӀалгӀай къаман хержа бӀунбаьчча волаш Йовлой Довт хиннав йоах. Цу гулламе из а хиннав. Боккхийча наха цунга аьннад къаман бӀунна юха а хьалхаотта аьнна. Амма из эттавац, ха́нна ше воккха а ва, хьалха мо могаш а вац, аьнна. ТӀаккха боккхийча наха Довта воӀ, Хучбар, харжа лаьрхӀад бӀунбаьччалла, ший даьгара цо тӀема исбахьале хьаӀомаяьй аьнна хеташ. Кхы уж юха ца бувлаш, Довта раьза а хинна, берригача гулбенначарна бӀаргагуш ший воӀа, Хучбара, дӀаеннай хӀанззалца шийга хинна баьччан белгало а — фета, ший довт а. Ишта хьахиннав Йовлой Хучбарах гӀалгӀай къаман бӀунбаьчча — довтбий[2].
Белгалдаккхар
[тоаде | тоаде чура]- ↑ Дахкильгов, Мальсагов, 1986, оа. 513.
- ↑ Дахкильгов, Мальсагов, 1986, оа. 413.
Литература
[тоаде | тоаде чура]- Сказки, сказания и предания чеченцев и ингушей / И. А. Дахкильгов, А. О. Мальсагов. — Грозный: Чечено-Ингушское книжное издательство, 1986. — 528 с.