Дахкилганаькъан Элберд-Хьажий Шукри
| Дахкилганаькъан Элберд-Хьажий Шукри | |||
|---|---|---|---|
| Дахкилганаькъан Элберд-Хьажий Шукри | |||
| Ваь ха | 12 оагӀой 1915 | ||
| Ваь моттиг | Наьсаре | ||
| Кхелха ха | 1995 | ||
| Кхелха моттиг | Наьсаре | ||
| Ӏилман дакъа | тархьар | ||
| Альма-матер | Буро тӀара бувзама наькъий политехнически техникум | ||
| СовгӀаташ |
|
||
Дахкилганаькъан Элберд-Хьажий Шукри (эрс: Дахкильгов Шукри Эльберд-Хаджиевич) (12.12.1915 — 1995) — гӀалгӀай Ӏилманхо, хоамбаржабархо, хьехархо[1].
Биографи
[тоаде | тоаде чура]Ваьв декабрь бетта 12 дийнахьа Наьсаре. Цун даьй юрт Долакха-Юрт я[2]. Шукре да́ кӀа йидеш-дохкаш таьргхо хиннав. Ишколе хьалхара ши класс Шукрес Наьсаре яьккхай, амма 1925 шера кхоллагӀча классе Буро тӀарча № 12 йолча юкъерча ишколе дехьаваьккхав. 1936 шера Буро тӀара бувзама наькъий политехнически техникум яьккхай. Ший къахьегама никъ болабаьб Орджоникидзевски аьшкнаькъа урхале инженера балха тӀа. 1938—1940 шерашка ше дийшача политехникума ВЛКСМ комитета секретарь волаш болх баьб. ТӀаккха «Кавизвесть» завода директора заместитель а хиннав. Сийлахь-Боккха Даьхен тӀом болча хана аьшкнаькъа бӀенашка бӀул деш хиннав[1]. Шукри Буро тӀа ваьхав 1944 шера къам мехках даккхалца, цун цӀа Маркова урама тӀа хиннад, цигара Ӏовигав из ГӀиргӀизстане. Цига волча юкъа, гӀалгӀай къаман кхыбола интеллигенташта тарра административни-хозяйственни балхаш даьд. Даймехка цӀавеначул тӀехьагӀа винзавода цеха хьаким а, Промысловой аьшкнаькъа хьаким а, 9 шу совгӀа — Нохч-гӀалгӀай карьер-урхален директор а волаш болх баьб. 1961—1965 шерашка МагӀалбика горисполкома тхьамада хиннав[2].
ГӀалгӀай къамо ЦК КПСС кулгалхошка а Советий Правительствога а яздаь каьхат (кхайкарал) а ийца Москве ваха хиннав 1988 шера массехк гӀалгӀа. Царна юкъе хиннав Дахкилганаькъан Шукри а[3].
СовгӀаташ
[тоаде | тоаде чура]- майдалг «Сийлахь-Боккхача Даьхен тӀема тӀа денал долча къахьегамах»
- орден «Сийлен Хьарак» (1971 ш.);
- майдалг «Денал долча къахьегамах».
Белгалдаккхар
[тоаде | тоаде чура]- ↑ 1,0 1,1 Оздоева, 2018.
- ↑ 2,0 2,1 Патиев, 2010.
- ↑ Матиев, Илиева, 2019, оа. 52.
ТӀатовжамаш
[тоаде | тоаде чура]- Матиев Т. Х., Илиева Ф. М. Участие ингушской литературной интеллигенции в общественных процессах XX века // Вестник Ингушского научно-исследовательского института гуманитарных наук им. Ч. Э. Ахриева : научный журнал. — 2019. — № 1. — С. 49—53.
- Оздоева М. Имена из прошлого. Шукри Дахкильгов — борец за бесспорные истины // Ингушетия : газета. — 1918. — декабря 14 дийнахьа.
- Патиев Я. Краевед, журналист, патриот (Шукри Эльбердович Дахкильгов) (эрс.). ghalghay.com (2010). ТӀеххьара техка хиннад укх дийнахьа: 8.12.2022.