Татренаькъан Вахида Исроапал
| Татренаькъан Вахида Исроапал | |
|---|---|
| Ваь таьрахь | 18 бекарга 1991 (32 шу) |
| Ваь моттиг | Ӏаьлий-Юрт |
| БӀорахол |
 Россе Федераци |
| Леладу гӀулакх | оазархо |
| Кхолламий мотт | гӀалгӀай |
| Дебют | 2015 шера |
Татренаькъан Вахида Исроапал (эрс: Татриев Исропил Вахитович) — гӀалгӀай оазархо. ГӀалгӀа Мехка йоазонхой союза доакъашхо.
Биографи[тоаде | тоаде чура]
Татренаькъан Исроапал ваьв 1991 шера Ӏаьлий-юрта. Цигарча ишколе 9 класс яьккха ваьлча, 2007 шера Наьсарера аграрни техникуме деша этте, «бухгалтер» яха балхаговзал караерзаяьй. 2014 шера ГКУ «Студия искусств» яхача моттига «Телестуди» отделене Ӏомавала вахав, телевидене редактор хургволаш. Исроапала диплома-болх хилар фильм-очерк «Са рузкъа — нах ба», цӀихезача оазархочун Гаьгий Гирихана вахараи кхолламаи хетадаь. Экономикеи правоведенени институт яьккхай 2020 шера «Финансаши кредити» яхача факультете.
Исроапал байташ язъе волавеннав шийтта шу даьлча. Кхоллам гӀалгӀай меттала ба. Оазархочун байташ кепайийттай мехкара газетийи тептарийи оагӀонаш тӀа: «Сердало», «Литературни ГӀалгӀайче», «СелаӀад».
Хьалхара байтий гуллам «Безама гӀайре» яха цӀи йолаш арахийцаб 2018 шера Наьсарерча «КЕП» яхача издательстве. Иштта, цу шера цун «ДӀакхелхаб безам» яха байт, Ваделов ИбрахӀима таржам а даь, юкъеяьккхай эрсий меттала арадаьннача «Ингушская лира» яхача поэзен антологенна. 2022 шера Татренаькъан Исроапал ГӀалгӀа Мехка йоазонхой союзо тӀаийцав. Цул совгӀа, 2022 шера Исроапал Дунен къамашта юкъера йоазонхойи исбахьлен говзанчийи тоабанна юкъеваьннав.
2013 шера ши гуллам арахийцаб Исроапала: «Вахарцара къамаьл», «Каралоацам».
СовгӀаташ[тоаде | тоаде чура]
- «Къаман мотт лорабер» (2021 ш., ГӀалгӀай Мехка кагирхой гӀулакхий комитет).