Мехках бахар (йиш)

Кечал я укхазара: Википеди
Перейти к навигации Перейти к поиску

«Мéхках бáхар» (эрс: Депортация) — гӀалгӀай къам мехках да́ккхарах лаьца йиш. Мукъам язбаь йиш лийкхар гӀалгӀай цӀихеза иллиалархо Йовлой Рая я.

Мехках бахар

ДагадоагIий шоана тахан вай халкъ мехках даьнна ди?
Дагадохий шоана тахан вай халкъ мехках даьккха ди?
Хьийста на́на лайла тоссаш до́гIа ца луш дисса чурт.
Цу ханашка хинна Ӏоткъам чаккхе йолаш хиннабац.
Моцалла десташ денна адам дицдалийта-м мегаргадац.

Кхелха на́на боча хьоасташ баьсса на́кха Ӏийда бер.
Наьнах бер хьакъоаста ца луш хинна таьзет ийрча дар.
ГIоттаргвоацаш метто лаьцар Даькъастенгахьа хьожаш вар.
Муръенна тIехкаш цIахьор цар васкета лоIам бар.

Мух хьакхача дIа-хьа теркаш во́жар кхераш баьккхача гIа,
Бийсан юкъе хIама дуаш са Iехадеш дайна гIа.
ГIарахошца са ца кходеш лийтар чоте воацаш вар,
«МоастагIа!» яхаш пIелг тIахьокхар ла́ ца могаш хала дар.

БIаьшерашка хинна денал халонах вай хийца-м дац.
Вай нахага хинна эздел сага́ дохаде мегаьдац.
Тахан рузкъах дизад аьлле Iаьржа денош диц ма де.
Вайцар къаьстар дага а лаьце са халкъ шоайла кхотале.

ДагадоагIий шоана тахан вай халкъ мехках даьнна сурт?
Дагаухий шоана тахан вай халкъ мехках даьнна сурт?
Хьийстар къизза лайла тоссаш до́гIа ца луш дисса чурт.
Цу ханашка хинна Iоткъам чаккхе йолаш хиннабац.
Моцалла десташ денна адам дицдалийта-м мегаргадац.

Белгалдаккхар[тоаде | тоаде чура]