Йолинг

Кечал я укхазара: Википеди
Перейти к навигации Перейти к поиску
Йолингах йода говр (анимаци)
Йолингах йода бизон

Йолинг  — говрийи цхьацца кхыдолча дийнатийи кхо такт йола болар да[1].

Акха говраш йолингах тӀаювл дулхах дажача дийнатех йовда езача ханеи е лоаца никъ сихха дӀачакхабаккха безача ханеи. Шин-кхаь километрал дукхагӀа наггахьа мара йовдац говраш, хӀана аьлча цу темпаца сиха кӀаьдлу уж, бакъда йолинг мелó хилча доккхагӀа дола наькъаш а дехк цара. Мелача йолингаца йодача говра сухал 20 км/сахьатал дукхагӀа хилац.

Говр шин тактаца (тувсалуча санна) йодача йолингах карьер оал. Цу боларцара говра сухал 69,2 км/сахьата хила йиш я.

ГӀанацеи, йортацеи, йоргӀацеи говр йодача хана цун дегӀ биъе кога тӀа цхьатарра ӀотаӀаш дале а, говр йолингах йодача хана из болар малагӀча когаца доладаьд хьежжа ӀотеӀаргда дегӀ. Цун когаш Ӏоувттадара аргӀанга хьежжа йолинг аьттехьареи аьрдехьареи хул. Аьрдехьарча йолингаца аьрдехьа верзаш аттагӀа да, аьттехьарчунца — аьттехьа.

Аьрдехьарча йолингаца говр укх аргӀах йода: цкъахьалха лаьттах тӀехьашкара аьттиг ӀотаӀ (цхьоалагӀа темп), тӀаккха говро цхьан хана чухь хьалхашкара аьттигеи тӀехьашкара аьрдигеи Ӏооттабу лаьтта тӀа (шоалагӀа темп), тӀаккха алхха цхьан хьалхашкарча аьрдига ӀотаӀ (кхоалагӀа темп). ЦхьоалагӀча темпа юха дӀатӀаялалехьа говр цхьаккха кога Ӏо а ца таӀаш, «гӀетта йодаш» юкъ йоагӀ.

Белгалдаккхар[тоаде | тоаде чура]