ГIалгIайчен герб

Кечал я укхазара: Википеди
(ГӀалгӀай герб яха оагIув дIа-хьа хьожаяьй укхаза)
Перейти к навигации Перейти к поиску
Coat of Arms of Republiс of Ingushetia.png

Гӏалгӏай Республика паччахьалкxен герб, ГІалгІайчен герб (эрс: Государственный герб Республики Ингушетии, Герб Ингушетии) — паччахьалкxен герб да ГІалгІай мехка. ГІалгІай Паччахьалкxен герб 26 Мяцхали бетт 1994 шера чIоагIадаь да.

Сурт оттадар[тоае | нийсъе вики-текст]

ГІалгІай Паччахьалкxен герб гома хьесапе да, юккъе дIадоаржадаь ткъамаш дола аьрзи долаш — эзди хилареи, къонахчалеи, хьаькъалеи, тешаме хилареи белгало. Герба юкъе къаьна а къона а ГІалгІайче хьахьокхаш йола белгало санна, Даькъастен лоамашта хьалхашка нийсса урагIаяхийта соанагIа латт вIов. ВIовна аьрда оагIорахьа хьахьекха ба — Маьтлоам, хIаьта аьтта оагIорахьа — Башлоам. Лоамаштеи вIовнеи лакхеха хьахьекха ба нийсса делкъийга кхаьчача маьлха ахгом, цу тIара лохехьа IочуйоагIаш ворхI малхазIи а йолаш. ЗIамагIача гома лохерча даькъа тIа хьахьекха я малхи лаьттеи даим лелаш хилара белгало санна йола берката хьарак.

Боккхачеи зIамигачеи гомашта юкъе йоазув да: лакхе эрсий меттал«Республика Ингушетия», лохе гІалгІай меттал«ГІалгІай Мохк». ГІалгІай Паччахьалкxен герб пхиъ бос болаш леладу: кIай, сигала беса, баьццара, цIе, дошо беса-IажагIа. КIайча бесо белгалду ГІалгІайчен халкъа доаггIача тайпара уйлаши леладу гIулакхаши цIена хилар; сигала бесо — сигален, Хозмажа белгало; баьццарча бесо хьахьокх ГІалгІайчен Iалам, лаьттан беркати дIайийна хIама хьувкъаш хилари, хIаьта иштта бусулба дина — Ислама белгало а я из; цIе бос — из дукхача шерашка гІалгІай халкъо дийна диса гIерташ лоаттабаьча къовсама белгало я; IажагIа бос — сагаи Iаламаи вахар луш болча маьлха бос ба.

ТIатовжамаш[тоае | нийсъе вики-текст]