Википеди:Дикача уйлаца пайда эцара бехкамаш

Википеди материал
↱ ВП:ДУЛ

Доладалара дакъа[тоаде чура]

Дикача уйлаца пайда эцарах йолча Википеден политикай керттера дагалаттар да — хӀаране а моллагӀча носителеш тӀа а пайда эца йиш йолаш бола лоӀаме чулоацам (контент) хьакхолларахи дӀа-хьа боаржабарахи йола зӀил лораяр. Из кхоачашде вӀаштехьа да мукъа доаца[1] медиа-материалаш (файлаш)[2] хаьдда цамогадича, амма бакъда тӀаккха из кхыча керттерча декхараца товш хургдац — дика дола энциклопеди хьакхолларца. Цудухь геттара бакъахьа да цхьадола мукъа доаца материалаш, уж эшача моттиге, леладе могадар. Из вӀаштехьа даккха деза «дикача уйлаца леладар» (добросовестное использование) яхачунна ларда тӀа а латташ, лоӀаме энциклопеди хьакхоллари хьашт доацаш бокъо йохаяр цадезари дагалатташ а дола бехкамаш (критериеш) кхоачашдича.

Бехкамаш[тоаде чура]

МоллагӀа йолча мукъа йоацача файлах пайда эцаргболаш кхоачашде (лораде) деза Ӏохьоахадаь бехкамаш.

  1. Цунна когаметта мукъа дар дац. Мукъа йоацача файлах пайда эца йиш я, нагахьа санна цунна когаметта мукъа яр карарча хана йолаш еце. Нагахьа санна мукъа йоацача файлах мичча тайпара мукъа йола файл хьае аьттув бале, иштта хьаде деза, дикача уйлаца пайда эцара концепци лелае ца а гӀерташ. Мукъа доаца материалаш массахана дӀахувца деза мукъа долчарца, нагахьа санна царна тӀакхача аьттув балеи энциклопеде чу леладергдолаш дикал йолаш далеи. Сиха тохкаргдолаш хатта деза хьайга: «Цу мукъа доацача материало морг эффект а луш мукъа долча материалаца дӀахувца вӀаштехьа дий?» Нагахьа жоп — «хӀау» дале, цу файлах пайда эцар дикача уйлаца леладара бехкамашца вӀаший нийса доагӀаш дац, цудухь из файл хьачуяккха йиш яц.
  2. Коммерчески лоархӀам лорабар. Мукъа доаца материал леладар а, цун боарам а, разрешени/дикал а хила йиш яц цун коммерчески лоархӀам эшабеши из маьхах эцар дӀахувцаши.
  3. КӀезигагӀа леладар. Мукъа йоаца файлаш цхьан статья чу ма хулла кӀезигагӀа хила еза. Нагахьа санна статья суртаца гойтаргйолаш цхьа мукъа йоаца файл тоъаш яле, уж дукхагӀа хила йиш яц. Нагахьа санна статья суртаца гойтаргйолаш алхха мукъа йола файлаш тоъаш яле, мукъа йоацараш хьачуяха йиш яц. Мукъа йоаца файл идентификаци еш хила еза статья чура керттерча объекта е лаьрххӀа лоадамегӀа йола пункташ е разделаш суртаца гойташ хила еза — хозала лелае йиш яц из.
  4. Тахка вӀаштехьа хилар. Мукъа доаца материал хьалхагӀа цхьанахьа бокъо йолаш нахала даьккха хинна хила деза[3].
  5. Бехкам юкъерабаьккхаб.
  6. Бехкам юкъерабаьккхаб.
  7. Бехкам вӀашагӀтехаб 9-гӀча пунктаца.
  8. Бехкам вӀашагӀтехаб 3-гӀча пунктаца.
  9. Массанахьа увтадде йиш ца хилар. Мукъа йоаца файлаш лелае йиш я алхха укх цӀерий моттигашка:
    • Статьяш чу
    • Инкубаторе (цига беттал совгӀа хилийта йиш яц уж. Бутт чакхбаьлча, нагахьа статья арахийца еце мукъа йоаца файлаш цу чура араяха еза, цул тӀехьагӀа уж кхы эшаш ца хуле сиха дӀаяха увттае еза).
    Мукъа йоаца файлаш лелае йиш яц доакъашхой оагӀонаш тӀа а, лераш чу а, оагӀаташ чу а[4]. Мукъа йоаца файл цхьан оагӀона тӀа мукъагӀа лелае еза. Цул совгӀа къамаьла оагӀонаш чура мукъа йоацача файлашта бола тӀатовжамаш увттабе йиш я статьяш чу.
  10. Файла йоазонца бӀарчча сурт оттадар. Мукъа йоацача файлах лаьца яздаьча оагӀона тӀа оттабе беза:

Бехкамашта вӀаший нийса ца доагӀаш хилар[тоаде чура]

  1. Белгалдаьча бехкамашта вӀаший нийса ца йоагӀа мукъа йоаца файлаш дӀаяха еза кӀира ха а оттаяь, уж хьачуяьха волча доакъашхочунна из дӀахьалхадаьккхачул тӀехьагӀа. Из файл дӀаяккха оттаяьчо (е хоадам беш волчо) файл хьачуяьккхар къарве веза, йоазонца хьалбиза болча сурт оттаду лерои дикача уйлаца пайда эцар бакъ хилара белгалон лерои файл дикача уйлаца пайда эцара бехкамашта вӀаший нийса ца доагӀаш долга, иштта файл хьачуяьккхачун кхыйола аргументаш бокъо йоацаш хилар а.
  2. Цхьанна а оагӀона тӀа ца лелаю мукъа йоаца файлаш проекта чура дӀаяха еза, ло {{subst:ofud}} отта а баь.
  3. Дунен маза чу бокъо йолаш леладеча мукъа йоацача файлашта тӀатовжмаш белгалдаха йиш я статьяшка {{Внешние файлы}} яхача лераца.

Белгалдаьккхар[тоаде чура]

  1. Мукъа доаца материал — культура мукъа йола произведени яхачунца вӀаший нийса доагӀа материал да.
  2. Википеден цхьайолча метта разделашка мукъа доаца материалаш леладар вӀалла могадаьдац. Мадарра хьажа бӀаргаземага Non-free content on Wikimedia projects.
  3. Эрсече дикача уйлаца пайда эцара концепци кхоачаш яц нахала даьккхадоацача е бокъо йоацаш нахала даьккхадоацача материалашка
  4. Мукъа йоаца файлаш чуйоахка оагӀата чу фост __NOGALLERY__ оттае еза.