Ат-Тавбат

Сурат 9 — Ат-Тавбат
Сурата Ӏарбий йоазув
ЦӀераш
Ӏарбий цӀи	التوبة‎
ЦӀера таржам	Тоба
Кхыйола цӀераш	Листам «Аль-Фазиха», «Аль-Мунаккира», «Аль-Джаус», «Аль-Мудамдама», «Аль-Мушакшака», «Аль-Муба’шара», «Аль-Бара’ат», «Аль-Хафира», «Аль-Мусира», «Аль-Азаб»
КъорӀана чура моттиг
Сурата номер	9
Цунна хьалхадоагӀар	Аль-Анфаль
Цунна тӀехьадоагӀар	Юнус (сурат)
Джуз / хизб	10, 11 / 19, 20, 21
Доссар
Десса моттиг	Маддан
Доссара аргӀа	113
Цунна хьалха дессар	Аль-Маидат
Цунна тӀехьа дессар	Ан-Наср (сурат)
Статистика
Руку таьрахь	16
Аятий дукхал	129
Деший / алапий дукхал	4098 / 10488

Ат-Тавбат (Ӏарб. التوبة — Тоба) — КъорӀан ийслагӀа сурат. Маддане Ӏодессачарех лоархӀаш да. Из десса хиннад Аль-Маидат яхача суратаи Ан-Наср яхача суратаи юкъе. Ат-Тавбат 129 аятах латт.

Чулоацам

Ат-Товбат яха сурат цаӀ мара дац бисмала тӀара ца долалуш.

Сурат долалуча АллахӀ мушрикех цӀенвалар дувц. Сурата чу бувцаш ба биъ хьарам бутт: гӀозот де йиш ца хилар а, мушрикашца баь барт кхоачашбе безаш хилар а, цар из шоаш дохадаллалца; иштта барт бохабаьчунца тӀом бе безалга а. Сурата тӀа дувц АллахӀа гарга гӀоргволаш цунца им дилла дезилга. АллахӀаи цун элчаннеи ﷺ мутӀахьа а хинна, уж массадолча хӀамах дезагӀа сага хиллалца цун иман кхоачаш хургдоацилга а хьоахаду.

АллахӀа йоах куралои сонтало АллахӀагара толам гаьна боаккхилга. Цу сурата тӀа дувц мушрикаш Хьарам маьждиге чубовла йиш йоацилга, уж бӀеха хиларах.

Хьарам бутт массаб а дувц сурата тӀа, иштта гӀоазот кхайкадича, цу сахьате аравала везилга а дувц. Цул тӀехьагӀа цхьа моллагӀа дола бахьан бахьан долаш гӀоазот ца дераш бувц, дита цӀенош хьоахаду. ГӀоазот кхайкадича питамаши цӀури юкъеболла гӀерташ бола мунафикъ нах а бувц. Мунафикъ наха дола таӀазар а хьоахадеш да укхаза: пайхамаро царна тӀера ламаз дергдац.

Цул тӀехьагӀа тӀем тӀа да́къа ца лоацаш Ӏе йиш йола бахьанаш дувц. Укхаза бувц Мадданенна гаьна доацаш бахаш бола акха Ӏарбий, бадой, цар шоаш им дилла дале, цун шарӀанна мутӀахьбийрза бале, АллахӀа элчанна ﷺ тӀехьа ца базаш уж Ӏе йиш йолаш боацилга гӀоазоте а.

Ат-Тавбата тӀа дувц наьха хьалаш, цар иман. Мунафикъаша даьла духьа а доацаш ислама духьала маьждиг мишта деттад а дувц — из цар детта хиннад бусалба наха Пайхамара ﷺ детта маьждиг дутаргдолаш.

Иштта боккъонца им дилла бола нах бувц, пайхамара ﷺ оагӀув а лаьца гӀоазот ца деш а Ӏийнна, цул тӀехьагӀа тоба даь кхоъ а вувц, иштта цар тоба АллахӀа къоабалдаьлга а дувц. Цул тӀехьагӀа АллахӀа аяташ десса наьха хьал дувц. Юххера Китаб наха доаржадергдолаш АллахӀа Мухьаммад ﷺ хержалга а дувц, им диллача нахаца кӀаьда къахетаме а волаш. Сурат чакхдоалл кераста нах дӀаберзе а, таваккал де дезаш хиларца — цхьан АллахӀаца кхоачам а хинна, цунна беррига болх дӀатӀабилларца.

Ер АллахI а Цун элча а цIенвалар да, оаш мушрик нахаца яь йолча чIоагIонех. Ло:Аят Шо лаьтта дIа а хьа а лела биъ бетта. Шоана ха́ (ва́ мушрик нах), АллахI оаш кIалвутаргвоацилга а, АллахIа кераста нах сизабоахаргболга а. Ло:Аят ДоккхагIча хьажола дийнахьа нахага АллахIагареи Цун элчангареи дIахайтар а да, АллахI а Цун элча а мушрик нахах цIена болга. Оаш тоба дой, из дикагIа да шоана. Нагахь шо дIадерзе, шоана ха́лда, оаш АллахI кIалвутаргвоацилга. Керастал даьчарга лозавеш долча Iазапаца кхаъ а баккха Iа. Ло:Аят Мушрик нахах оаш чIоагIо яь, цул тIехьагIа шуца хIама доха ца деш е цхьаннена а шоана духьал гIо а ца деш мел боацараш. Царцара чIоагIо кхоачашъе оаш ха чакхъяллалца. Боккъал, АллахI Шийх кхерараш дукха безаш ва.

— 9:1—3