Архитектура

Кечал я укхазара: Википеди
Перейти к навигации Перейти к поиску
Маджарой мехка парламента гIишло, Будапешт

Архитекту́ра, е тIого́взал — гIишлоштеи кхыйолча хьалъяьча хIамаштеи проект яра а хьалйоттара а исбахьалеи Iилмеи да[1][2]. Иштта «архитектура» оал сага́ ва́ха а ле́ла а гонахьара моттиг хулийташ долча ерргича гIишлонехи кхыйолча хьалъяьча хIамаехи[3].

Архитектура чу вIаший дувзаденна да объектий тайп-тайпара белгалонаш: функциональнии (декхар а, пайда а), техническии (чIоагIа хилар а, дукха ха йоаккхарг хилар а), эстетическии (хозал), иштта цар массане исбахьален маIани[1]. Архитектуран исбахьален маIан а специфика а эггара дикагIа белгалъеш я классика лоархIаш йола Витрувий триада: ЧIоагIал, Пайда, Хозал (лат. Firmitas, Utilitas, Venustas)[4].

Архитектура белхаш каст-кастта исбахьален кхолламаш морг а, культурни е политически символаш морг а лоархI. Тархьара цивилизацеш белггала я шоай архитектурни карагIдаьннарашца (толамашца). Юкъарлен вахарца ювзаенна йола функцеш Iалашъе вIаштIехьа доалийташ я архитектура. Бакъда, архитектура хьакхолл наьха торонагеи хьашташкеи хьажжа́[3].

Архитектураца ювзаенна халкъашта юкъера эггара лакхера йолча наградех я Притцкеровски преми. ХIара шера архитектура областе тIехдика толамаш дахарах луш я из преми.

1996 шера Барселоне хиннача Халкъашта юкъера архитекторий союза (МСА) ТкъоалагIча Генеральни ассамблеес оттадаьд, хIара шера АьрхIий (тов) бетта хьалхара оршот дийнахьа халкъашта юкъера архитекторий белха-говзала цIай дездеш хургдолаш — Дунен архитектуран ди[5].

Этимологи[тоаде | тоаде чура]

«Архитектура» хьатIаийцад лат: architectura яхача деша тIара[6]. Латиний метта из дош architectus «архитектор» яхача дешах хьахиннад, амма из ше къаьнарча эллиной меттацара хьатIаийцад — къ.-элл. ἀρχιτέκτων: αρχι- (керттера, воккхагIа) + τέκτων (дахчанпхьар, гIишлонхо) — «керттера гIишлонхо»[7][8].

ГIалгIай метта хьалдоттара исбахьале белгалдеш ший дош долаш да: «тIого́взал» («тIо» + «го́взал»). Юххьанцара иштта оалаш хиннад кхерах хьалдоттар, хIаьта из белха-говзал лелаечох «тIого́взанча» оалаш хиннад.

Белгалдаккхар[тоаде | тоаде чура]

  1. 1,0 1,1 Архитектура //Архитектура // Большой Энциклопедический словарь. — 2000.
  2. Архитектура //Энциклопедия Кругосвет
  3. 3,0 3,1 А. В. Иконников Архитектура // Большая Советская Энциклопедия. 3-е изд. / Гл. ред. А. М. Прохоров. — М.: Советская Энциклопедия, 1970. — Т. 2. Ангола — Барзас. — С. 296—302.
  4. Prak N. L. The Language of Architecture: A Contribution to Architectural Theory. The Hague-Paris, 1968
  5. World Day of Architecture — Message from the UIA President Ло:Wayback
  6. Фасмер М. Этимологический словарь русского языка. — Прогресс. — М., 1964–1973. — Т. 1. — С. 91.
  7. Архитектура // Брокгаузеи Ефронеи энциклопеден дошлорг : 86 томах латт (82 томи 4 тIатохари). — СПб., 1890—1907.
  8. Ernout A., Meillet A. Dictionnaire etymologique de la langue latine. — 3. — Paris, 1951. — P. 78.

ТIатовжамаш[тоаде | тоаде чура]