Арапхананаькъан Марем

Кечал я укхазара: Википеди
Перейти к навигации Перейти к поиску

Арапхананаькъан Марем
Арапхананаькъан Марем.jpg
Яь ди 20 Тушол 1963(1963-04-20) (57 шу)
Яь моттиг
Кхелха ди 26 Михий 2002(2002-09-26)
Кхелха моттиг Галашке, Шолжа шахьар
Паччахьалкхе
Леладу гIулакх берий бешара хьехархо
Да Хамхой СарIала Ахьмад
СовгIаташи премеши

Золотая звезда Героя России.svg

Арапхананаькъан Марем (эрс: Арапханова Марем Ахметовна) — ГIалгIай Мехка Шолжа шахьара берий беша хьехархо я. Россе Федерацен Турпал я. Из совгIат цунна деннад 2003 ш. Этинга 3 дийнахьа (кхелхачул тIехьагIа). Къаман: гIалгIа я.

Биографи[тоаде | тоаде чура]

Яьй 1963 шера Бекарга 20 дийнахьа Оалкама. 1981 шера ше яьхача йоалла школа яьккхай. 1996 шера денз болх беш хиннай Галашкарча берий беша.

2002-ча шера хиннар[тоаде | тоаде чура]

2002-ча шера сентябрь бутт болалуш Гуржишкахьара ара а баьнна Галашка кхаьча хиннай нохчий тӀемахой тоаба. Бийсан юрта гӀолла дӀай-хьай баха къоал де болабеннаб гӀаьрахой. Царех цхьа тоаба Арапхананаькъан коа чуийккха хиннай. Коа айннача гIар-татах цIен-нана хьаара а яьнна тIемахошка дов деш царга дIаарадовла яха йолаеннай. ЦӀогӀа хьийкхад цо лоалахошта дIахозаргдолаш, тIемахоша лочкъъе аьнна хьаийца хIамаш хьаяха а гIерташ.

Сесага цӀогӀарч хеза мар араваьнна хиннав. Кхалсаго баге ӀотӀакъовларгйолаш къонаха герз тӀахьекха хиннад гӀаьрахоша. Марем лораве дагахьа ший мара духьала Ӏоэттай, цига автомат ялийтай тӀемахочо.

Арапхананаькъан Марема даь гӀулакх бахьан долаш тӀемахой тоаба лацеи соцаеи аьттув баьннаб. Цар цкъа топ ца йоалийташ сатийна уллаш йола юрт хьаяьккха лаьрхӀа хинна уйла йохаяь хиннай. Ший вахарах хадаш юртара нах кхерам тӀабоагӀалга дӀахайтад цо. Арапхананаькъан Марема цӀий Ӏоухаш ший мараи бераштеи хьалхашка еннай.

ГӀалгӀай мехка-да Заьзганаькъан Мурата амарца майра кхалсаг Россе Федерацен Турпал яха звани еннай.

Указом Президента Российской Федерации N 598 от 3 июня 2003 года за мужество и героизм, проявленные при исполнении гражданского долга, Арапхановой Марем Ахметовне присвоено звание Героя Российской Федерации (посмертно)[1].

Дагалоацам[тоаде | тоаде чура]

Арапхананаькъан Марем цIерагIа я Магасера берий беш[2].

Белгалдаккхар[тоаде | тоаде чура]