Сипсой-ГӀалий тӀа—Галашка нах дӀа-хьа кхувлача автобуса чу яьнна цӀи

Википеди материал
Автобуса чу баьгача наха Галашка дегӀа чурт

Сипсой-ГӀа́лий тӀа—Гала́шка нах дӀа-хьа кху́влача авто́буса чу цӀи яьнна хиннай 1994 шера бекарга бетта 24 дийнахьа. Шовзткъе виъ саг цӀералла ваьга веннав цу дийнахьа.

Хоам[тоаде | тоаде чура]

ЦӀи Наьсарех 25 км гаьна яьнна хиннай наькъахоех йизача рейсашта лелаш хиннача «ПАЗ» автобуса чу[1]. Ткъаь цхьайтта саг цуссахьате веннав, хӀаьта 28 саг хала волаш гӀалгӀайм хӀирийи дарбанчешка боалабаь хиннаб. Зе хинначарна гӀончалла Москвера фекема дайта хиннад кӀалхарабоахарийи лорийи тоаба тӀайолаш[2].

Бахьан[тоаде | тоаде чура]

ӀотӀаена хиннача паччахьалкхен комиссес оттадаьчох цӀи ялара бахьан автобуса технически хьал харц, во хинналга да: машена доагам Ӏоиха́ хиннад[2]

Хинначох наха дийцар[тоаде | тоаде чура]

«А́ла, хьаяхачох, адамий кортошта тӀагӀолла баьржар нах хьакхийтта балалехьа. Цхьан оагӀарахьа чхар яр, хӀаьта вокха оагӀорахьа — шув (эрс: обрыв). ЦӀераллара арабаьннараш тӀехьа чура боагабаь бар. Цига дийна висар лаллархои ши-кхо саги вар. Вай ханналца дийна саг висавац»
«Автобуса наькъахошта юкъе Ӏарапханаькъан Руслан яхаш зӀамига саг а вар. Йоагаш латтача автобуса чура цхьа тамашийна ара а ваьнна, кхерам боацача хана юха са къург а баь михьарбаьннача алан чу а ваьнна ши-кхо саг кӀалхараваьккхар цо. Ше валар
Астамиранаькъан Мухьмад
»
«ДагадоагӀа сона из ди, нах оарцагӀбаьнна удача хана шоай юртахой кӀалхараба́ха гӀерташ. Унзара ди дар. Са Ӏаме яьгай цига. Цу наькъа даькъе йиста гӀолла мел йолача хана лоӀаме йоацаш дегӀ оагалу са
Кацинаькъан Мовлатхан
»
«ДагадоагӀа сона из унзара ди. Цу автобуса чу са балха-новкъост, неш хинна Чербижанаькъан Наташа еннай ший зӀамига кхаь воӀаца. Геттара дика саг яр. Цун доагаш хинна лир дагадоагӀ сона, цун оаз, цун е́лакъежар, бераш
Ко́лой Лайла
»
«Тахан мо дагадоагӀ сона из ди. ХьоашалгӀа дар тхо из хабар тхох кхийттача хана. Цхьан лоалахочун ши йоӀ яьгаяр цу автобуса чу. 15, 16 шу хиллал йиӀигаш
Паранаькъан Марина
»
«Унзара хӀама дар из. Дас дийцадар сога боагабаь нах дарбанче шоаша мишта кхийлабар. Цул тӀехьагӀа дукха ха яьккхар цо хьаметтава́ ца могаш
Албаканаькъан Карима
»
«Дошхьаклой Адами Зайтанаькъан Беслани лаллархочун наӀара гӀолла арабайнабар. Адам наькъахой цӀогӀарча́ саг кӀалхараваккха дага волаш юха чуийккхар автобуса чу. Бакъда во́кхар хинна Ӏоажал е́гӀа хиннай цунна. Зайтанаькъан Беслан кхычарца фе́кемаца Москве воалаваьвар, цига из кхалха а кхелхар»
«Кхераме хатар дар из. ДукхагӀа мел бола наькъахой кхалнах бар. Са йиший 25 шу дар. ТӀехьален яр из»

Дагалацар[тоаде | тоаде чура]

Байнарех дага Мужече вахархочо Чапананаькъан К. чурт де́гӀа́ хиннад автобус яьгача моттига йисте. ТӀехьагӀа цунна йисте дагалоаттама Ӏаькъа е́гӀай, хьалха даьгӀа́ чурт дута а дуташ[2].

Белгалдаккхар[тоаде | тоаде чура]

  1. Газета «Коммерсантъ» № 75 от 26.04.1994
  2. 2,0 2,1 2,2 Харсиева, 2020.

ТӀатовжамаш[тоаде | тоаде чура]