Пехкаш

«Пехк» лаха эттача укхаза хьахьожаву; хь. иштта: кхыдола маӀанаш.

Пехкий сурт. Чачхама трубкашка гӀолла фо чу ара доалла моттигаш — бронхаши бронхиолаши. Укх сурта тӀа пехкий ткань хоададаьд, бронхиолаш хьагучайоахаргйолаш.

Пехк, Пехкаш (я) (эрс: лёгкие, лат: pulmones, ш.-ян. πνεύμων) — фецара садахара маьженаш я. Пехкаш йоахк: адамашта а, дерригача дакхадийнаташта а, оалхазарашта а, текхадийнаташта а, дукхагӀа мел долча хи чу а лаьтта а цхьатарра дахача дийнаташта а, иштта цхьадолча чкъаьрашта а.

Пехкаш аьлле оал цхьадолча букъатӀехк йоацача дийнаташта йоахкача садахара маьженех (цхьайолча моллюскаштеи, голотурештеи, гизга куце долчарнеи).

Пехкаш чу паренхиме доаллача фони пехкий капилляраш чугӀолла лелача цӀийнеи юкъе газ вӀаший дӀа юха ялар хул.