Ло:Язык в предложном падеже
Укх лерах пайда эцаш йола оагӀонаш толхаергйоацаш хувцам бича мишта хул хьожаш тохкам бе хьай белха моттиге.
| Ло:Курсив или нет | |
|---|---|
| Ло:Курсив или нет | |
| Специализаци | литературан-исбахьален а юкъарлен-политически а |
| Маца арадувл | шера́ диазза, квартала́ цкъа[1] |
| Мотт | гӀалгӀай |
| Редакцен адрес | Шолжа-ГӀала |
| Керттера редактор | Ведажанаькъан Ахьмад, Вешкаранаькъан Мухьмад |
| Мохк |
 ГӀалгӀайче |
| Арахецар | Нохч-ГIалгIай АССР-а Советий йоазонхой Союза маьже |
| Изданен тархьар | 1958 шера денз |
«Лоаман Ӏуйре» (эрс: «Утро гор») — Нохч-ГӀалгӀай АССР йолча хана арадийна, гӀалгӀай литературно-исбахьален а юкъарлен-политически а альманах да.
1958-ча шера бекарга бетта 2-ча дийнахьа Нохч-ГӀалгӀай обкома КПСС бюро «Об издании художественных произведений чечено-ингушских поэтов и писателей» яха чӀоагӀам тӀаийцар. Цу шера оагӀой бетта 7-13 деношка дӀайихьар РСФСР йоазонхой хьалхара съезд. Цига гӀалгӀай йоазонхошта юкъера дакъа лоацаш хилар Заьзганаькъан Бахьаудин.
1958-ча шера тӀеххьарча деношка арахийцар гӀалгӀайии нохчийи йоазонхой «Дружба» яха журнал. Дукха ха ялале цох ши альманах хьадир, нохчий альманахах «Орга» (эрс: Аргун) аьнна цӀи тилла, гӀалгӀайчох «Лоаман Ӏуйре» (эрс: «Утро гор») аьнна[2].
«Лоаман Ӏуйре» арадувлар шера диазза, хӀара кварталах цкъа[1]. 1962-ча шера маьтсела бетта денз 1969-ча шерага кхаччалца альманаха редакторал болх беш хилар Ведажанаькъан Абукара Ахьмад. 1983—1992 шерашка редактора болх бир Вешкаранаькъан Султана Мухьмада{{подст:АИ}}.
«Лоаман Ӏуйре» яхача альманаха тӀеххьара номер араяьлар 1990-ча шера. 1991-ча шера цун метта арадувла доладелар литературно-исбахьален дола «Маьтлоам» яха журнал, керттера редактор Вешкаранаькъан Мухьмад а волаш. Редколлегена юкъе вар Хамхой Мустапа, Пхьилекъонгий Махьмад-СаӀид, Ӏахилганаькъан Микаьил[3].
«Ломан Ӏуйре» альманаха тӀа кепабетташ арабийнаб дукхача йоазонхой кхоллам: Янданаькъан Жамалдий, Чахканаькъан Капитона, Коазой Ӏийсай, Хамхой Ахьмада, ТӀоаршахой ИбрахӀима, Заьзганаькъан Бахьаудина, Боканаькъан Ахьмада, Ведажанаькъан Ахьмада, Гаьгенаькъан Гирихана, Ӏахилганаькъан Микаьила, Горчхананаькъан Бадрудина, Пхьилекъонгий Хьусена, Хьоашаланаькъан Ӏаьлий, Кхоартой Мурада, Малсаганаькъан Абой, Дахкилганаькъан ИбрахӀима, иштта кхыболча йоазонхой кхоллам а{{подст:АИ}}.
Белгалдаккхар
- ↑ 1,0 1,1 Патиев, 2023, оа. 391.
- ↑ Патиев, 2022, оа. 111.
- ↑ Вышегуров, 1991, оа. 70.
Литература
- Писатели Ингушетии / Сост. Я. С. Патиев. — Ростов-на-Дону : «Южный издательский дом», 2022. — 111 с. — ISBN 978-5-98864-071-4.
- Ингушетия: популярная иллюстрированная энциклопедия / Сост. Я. С. Патиев; науч. ред. М. Г. Цароева, Т. Х. Матиев. — Магас : «Сердало», 2023. — 816 с. — ISBN 978-594452-185-9.
- Маьтлоам / М. С. Вышегуров. — Шолжа-ГӀала : «Книга», 1991. — 70 с.