Ло:Укх дийнахьа хиннар:02-4

1929 — ГӀалгӀай областерча паччахьалкхен учреждений аппараташ чу каьхаташ леладар гӀалгӀай меттала даккхарах эшам хиларах лаьца статья кепатехай «Сердало» газета тӀа. 1929 шера Саь-кур 1 дийнахьа денз гӀалгӀай меттала де́ша ца ховраш паччахьалкхен учрежденешка балха хьацаийбар бакъахьа лаьрхӀад. Школашка хьехар а гӀалгӀай меттала де аьнна хьехам баьб. Из а доацаш гӀалгӀай мотт областе лелабара дукха гӀулакхаш белгалдаьхад.

1929 — Ночхий областах дӀа а хетта тӀаккха дӀаяьккха йолча Шолжа автономни округах Сипсой-ГӀала тӀа юкъарче а йолаш Шолжа шахьар (Сунженский район) хьаяьй ВЦИК-о баьча соцамца. Шахьара лоаттама́ юкъеяхай Эбарг-Юрт, Илдарха-ГӀала, ГӀажарий-Юрт, Махьмад-ХитӀе, АгӀа-Боарзе, Аьккхий-Юрт, Чималх, иштта Давыденко яха хутор а. Станица Тарская Октябрьскийи Майскийи Предмостнии Нижне-Бековичии яхача хуторашца цхьана Тийрка областан Маздака шахьара́ юкъеяьхай. ХӀаьта из 1944 шера ГӀинбухера ХӀирийчех дӀахеттай.