Лелейк

Википеди материал
Эрмитаже латта Екатеринай лелейк

Лелейк е Говра экипаж (эрс: Каре́та хьадаьннад итал. carreta яхача дешах, из ший аргӀах хьадаьннад ← лат: carrus яхача дешах, цун маӀан хиннад – «гӀудалкх») — тӀера къайла йола пассажирий гӀудалкх я Ӏадаш (рессораш) доахкаш.

Эггара хьалхагӀа лелейка кузов оасаех (тӀехкарех) охкаш хиннаб. ТӀехьагӀа, XVIII бӀаьшарен духара денз кузова кӀалха пуржинаш оттадеш хиннад. XIX бӀашарен духара денз Ӏадех (рессорех) пайда эцаш леладе доладеннад.

КасттагӀа лелейкаш лелайора саго шийна пайда эцара духьа, амбакъда тӀехьара юкъерча бӀаьшаренашкара денз Европе уж лелае йолайир юкъара транспорт а санна. Хьокхама ала йиш я дилижанс. Эггара яьржа дилижанса кеп лархӀа йиш я пошта лелейк (почтовая карета).

ТӀатовжамаш[тоаде | тоаде чура]