ГӀалгӀай Википеди
ГӀалгӀай Википеди (эрс: Ингушская Википедия) — гӀалгӀай меттала йола Википеден официальни раздел. Хьайийлай 2018 шера Тушол бетта 18 дийнахьа, цу хана денз болх беш я укх цӀайна тӀа: inh.wikipedia.org. Цул кхо бутт хьалхагӀа Фонд Викимедиа Метта комитето могадаьдар из проект хьакхолла[1]. 2018 шера Тушол бетта 20 дийнахь чакхбаьлар «Викимедиа Инкубатор» яхача моттигера гӀалгӀай меттал статьяш хьаараяхара болх. Цу инкубатора чу гӀалгӀай проекто 10 шу совгӀа ха яккхар дегӀайоагӀаш.