Википеди:Доладалара дакъа/Ер мугӀ бита ше болча, дӀа ма баккха

Фу я Википеди?

Википеди тоае мишта еза хьехаш бола гойтам (ингалсий меттала)

«Википе́ди» — массава тӀакхача а йиш йолаш, наха цхьана яздеш дола дукхача меттаех латта универсальни маза-энциклопеди да. Из ший тайпара йола веб-оагӀув «Вики» яхаш я. Цхьана болх бе вӀаштехьа хургдолаш хьаяь раж (система) я из. Укх дуне тӀарча дуккха дуккха наха Даьла денна тоаю Википеди, хӀара сахьата эзар хувцамаш а деш. ХӀаьта ГӀалгӀай меттала йола Википеди тоаеш а ба нах, иштта хӀара денна хувцамаш а деш. Уж шедола хувцамаш ши-шегӀа дӀаязлу оагӀоний хувцамашкеи керда хувцамашкеи. Проектах лаьца кхы а де́ша укхаза: Википеде сурт оттадар.

Мишта бе йиш я шун къахьегам / Как вы можете внести свой вклад

Хувцам бе кхер ма кхера — моллагӀа волчо тоае йиш я Википеди! Тоаде/нийсде мегаш дола моллагӀа цхьа хӀама хьа а лахе, хьатоаде из — масала, орфографи, грамматика, статьяй стилистика е харцахьа даь хувцамаш дӀадоахаш а. Нагахьа санна керда факташ шун тӀатоха безам бале, тӀатовжамаш белгалдаха деза оаша, уж факташ нийса дий (бакъдий) аьнна тахка вӀаштехьа хургдолаш. Е статьяй къамаьла оагӀона тӀа белгалдаха уж. Википеден керттера оагӀона тӀа хувцамаш де администратора мара бокъо яц.

Ховш хила: Википеди йохае шун вӀаштехьа даргдац; мел даь долаш дола хувцамаш юхатоха/дӀадаха мегаш долаш да, нийсде е тоаде мегаш долаш да. Википеди тӀехдика хила декхарийла яц. Цудухь майра гӀо хьалхашкахьа, тоае статьяш, новкъостал де Википеди эггара дикагӀа хоамий ресурс хургйолаш Интернете, гӀалгӀай мотт дукхагӀа дӀа-хьа баржаргболаш!

ХӀанзе хьажа йиш еце редактораца болх бе?

ӀотӀатоӀае укхаза, песока тӀа хувцамаш дергдолаш — лаьрххӀа хувцамашца тесташ е аьнна хьаяь моттиг я из.
Цхьа текст хьавӀашагӀйолла.
ТоӀае Хьалххе хьажар шун хувцамаш миштта хиннад хьожаргволаш, тӀаккха тоӀае ОагӀув дӀаязъе, оашаш Ӏоязъяьчунна шо раьза дале.

ДӀахо: Мишта бе беза болх →