ЦӀердош

Википеди материал
ЦIердош» яхачунгара дӀасалостам ба)

ЦӀердош (эрс: Имя существи́тельное) — къамаьла дакъа да, лексемий цӀера а класса а категорех дола. Керттерча къаьмаьла доакъоех дакъа да.

ЦӀердош оал саг е хӀама белгалдеча къаьмал даькъах. ЦӀердешо жоп лу мала? фу? яхача хаттара. ЦӀердешаш хувцалу дожарашца, таьрахьашца. ХӀара цӀердош кхаь классах цхьан классе хул: маӀача наьха, кхалнаьха, кхыча хӀамай. Предложене чу подлежащи, кхоачам, сказуеме цӀера дакъа хила йиш йолаш да.

ЦӀердешо цӀи йоаккха моллагӀча хӀаман шерача маӀанца; уж я − хӀамай цӀераш (шу, пен, кор, кӀод, соалоз), адамий (бер, йиӀиг, кӀаьнк, кхалсаг, саг), напагӀа цӀераш (ялат, хьоар, шекар, тӀоа, цӀалх), дийнатийи организмий цӀераш (циск, жӀали, къайг, хеназӀокъеттарг, ц1еначкъаьра, бактери, вирус, микроб), фактийи хиннарийи цӀераш (пожар, спектакль, къамаьл, сагото, гӀайгӀа, кхерам, ираз), географий моттигаш (Эрсече, Наьсаре, ГӀалми, Башлоам, Ази), иштта белхай, хьалай, гӀулакхай куц (дикал, сихал, боадо, адар, ваӀан, латар).

ЦӀердешай классаш[тоаде | тоаде чура]

  • I. ва ; ба
  • II. я ; б а
  • III. я ; я
  • IV. да ; да
  • V. ба ; ба
  • VI. ба ; да

ТӀатовжамаш[тоаде | тоаде чура]