Яьсса аре
(«Пустыня» яхачунгара дӀасалостам ба)
Яьсса аре (я) (эрс: Пусты́ня, ингал: Desert) — къаьстта ший белгалонех арен тӀехе йолаши, иштта кӀеззига е вӀалла йоацаш буне а, ший тайпара дийнатий дуне а дола Ӏалама зона.
Яьсса аренаш хул гӀомареи, кхереи, лоабати иштта кхыяраш. Къаьстта белгалъйоах лай аренаш (Антарктидеи, Арктике — арктикай ареи). Эггара цӀихеза йола гӀомара аре — африкерча гӀаран деррига гӀинбухера да́къа дӀалоацаш йола Сахьаре я (эггара йоккхагӀа йола аре). Яьсса аренашта гарга я ах-яьсса аренаш, иштта экстремальни ландшафт санна лоархӀаш йола.
Еррига яьсса аренаша дӀалоац 16,5 млн км² совгӀа (Антарктидах чёт ца еш), е екъа тӀехена гаргга 11 %, Антарктидаца 20 % совгӀа.