Нускала лоткъам
Нускала лоткъам (эрс: Жалоба невесты) — гӀалгӀай къаман йиш. 1902 шера из дӀаязъяьй Ригерча политехнически института дешархо хиннача ДжабагӀий Мухьмада. Цу кепатохара белгалдаьккхарашта юкъе язъя хиннай: «Ингушская народная песня. Записана студентом Рижского политехнического института Джабагиевым в 1902 году... Из отчета А. Грена. Из материалов Л. Г. Лопатинского».
Лоамаш лакха да ма аьларий сога,
Лоам чу яха, къайлаяьла ма еннаярий со,
Цигача а сатем хиланзар сона.
Аренаш шера я ма аьларий сога,
Аренашка лела ма йоалларий со,
Цигача а моттиг теанзар сона.
Со кхеллача сай Далла
Кхолланза ялара со,
Со яьча са нанас йинза ялара со.
Нанас со яьча цу бийсах даьра ча
Ӏаьржача лаьтта керчаш ма ярий,
Боарза тӀа яьнна, меца борз
ӀувгӀаш ма ярий.
Дарцо цӀокъалом чувхош ма дарий,
Берташа сай баьрда ма барий.
Сай боардаш меца бертий ма ярий,
Дарцо чувхадаьр цӀокъалом ма дарий,
Даьръяьча чайтонгех елхаш,
Ӏаьржача лаьтта керчаш,
ӀувгӀаш ча-нана ма ярий.
Со яьча са Далла со йинза ялара,
Со яьча са нанас со йинза ялара.
ТӀаьн кӀала ча делла, бе бага ва белла,
Аз маьждига цӀи техача ва санна,
Къаьра дув КъорӀах аз биача ва санна,
Сел даькъаза хӀана кхеллай-те
Со кхеллача са Далла!
Цох дувцача хабарех Шолжа тӀарча жагӀах санна
Аренцара зизаш тарденнар ва лайла
Со се ма ярий цох гӀалат ва яьннар.
ТӀатовжамаш
[тоаде | тоаде чура]- Зовранаькъан А. Нускала лоткъам // «Сердало» : газет. Архиве диллад 2018 шера кӀимарса 10 дийнахьа.