Кавказа дехье

Кечал я укхазара: Википеди
Перейти к навигации Перейти к поиску

Кавка́за дехье́ (эрс: Закавказье, эрм. Անդրկովկաս, гIозл. Cənubi Qafqaz, гурж. სამხრეთი კავკასია), е ЗӀилбухера Кавказ — Малхбоалерча Европанни Хьалхарча Азенни гӀай а деш, Кавказа дакъа дола геополитикай регион я. Йоккхача Кавказа Кертерча е Хий къоастадеча дукъа зӀилбухехьа улл Кавказа дехье.

Йоккхача Кавказа зӀилбухерча босений доккхагӀа долча дакъах а, Колхидах а, Курай таьӀа моттигах а, ЗӀамига Кавказах а, Эрмалой лоамен гӀинбухе-малхбоалера дакъах а, Талыша лоамех а Кавказа дехье лоархӀ. Кавказа дехьен доазона тӀа Эрмалойчеи, ГӀозлойчеи Гуржехьеи улл. Цул совгIа Кавказа дехье я́д цхьан даькъе тӀаийца паччахьалкхенаш а: Эрсечеи цхьацца кхыйолча паччахьалкхенаши тӀаийца йола Абхазой республикаи, ЗӀилбухера ХӀирийчеи, иштта цхьанне а тIаийца йоаца Арцахе Республикаи. Кавказа дехьен доазув гӀинбухехьа Россе Федерацеца да, зӀилбухехьа — с Туркий мехкацаи ХӀиранаци, малхбузехьа Ӏаьржа форд ба, малхбоалехьа Къаспий форд ба. Кавказа дехьен аре 190 эзар кв.км я[1].

Белгалдаккхар[тоаде | тоаде чура]