Заьзганаькъан Бийсолта Идрис

Кечал я укхазара: Википеди
(Заьзганаькъан Бейсултана Идрис яха оагIув укхазахьа хьожаяьй)
Перейти к навигации Перейти к поиску

Заьзганаькъан Бийсолта Идрис
Заьзганаькъан Бийсолта Идрис
ГIалгIай Автономе областа ВКП(б) комитета хьалхара секретарь
1924 ш. — Михий 3 1929 ш.
Хьалха хиннар Хиннавац
ТIехьа тIавенар Черноглаз Моисея Иосиф

Ди Ислам
Ваьв 31 АгIой 1896(1896-01-31)
Буро-КIале, Наьсарен округ, Тийрка область, Россе импери
Кхелхав 5 Баьцамеа 1938(1938-07-05) (42 шу)
Шолжа-ГIала, Нохч-ГIалгIай АО
Сесаг Заьзганаькъан (Хантыгнаькъан Ярыча) Жанетта (кхелхай 28.03.1982)
Парти ВКП(б)
Дешар Плеханова Г. В. цIерах йола Москоара халкъа боахама институт

Заьзгнаькъан Бийсолта Идрис (эрс: Идрис Бейсултанович Зязиков) — гIалгIай паччахьалкхен къахьегамхо, ГIалгIай Автономе область хьакхоллаш хьалха лаьттачарех а ва, цун хьалхара кулгалхо а ва.

Ваьв 1896 шера АгIой 31 дийнахьа Буро-КIала.

Кхелхав 1938 шера Баьцамеа 5 дийнахьа, Шолжа-ГIала тIа.

Вахара сурт[тоаде | тоаде чура]

Заьзганаькъан Бийсолта Идрис къаьнарча гӀалгӀай Барханой тайпара ва. Дá хьалхарча къаман хьехархоех хиннав хьалхарча Наьсарен лоаман ишколе хьехаш. Идриса юхьанцара дешар Наьсарен лоаман ишколе дийшад, тӀаккха Буро тӀарча Хьалхара Бокъонца(реальни) Училище яьккхай.

1914-ча шера Идрис "Москоара юртбоахама института" деша отт, бакъда гӀовттам бахьан долаш из яьккха аьттув а ца боалаш 1917 шера цӀавоагӀ. Даькъасте кхаьчача ма могга къахьег юкъарчанаьха-политика вахарца.

1918-1924-ча шерашка Заьзганаькъан Идрис Тийрка облревкомаи облисполкомаи доакъошхои, Наьсарен окрисполкама кулгалхои, Лоамарой республика хьалхара халкъа комиссари, Лоамара республика ЦИК кулгалхои, Лоамарой обкома ВКП(б) секретари, СССР ВЦИК докъашхои хул. Юххера ЛАССР йохарца 7 этинга бетта ГӀалгӀай автономни Республика кулгалхо хержав. Цу белха тӀа 3 михий бетта 1929 шерага кхаччалца хиннав из.

1930-ча шера марксизма-ленинизма курсашта Заьзганаькъан Идрис лаьцав. "Моралеи политикайи тӀехьа тӀавена Черноглаз вийрах кийчоярах" аьнна Ӏобехьву. 1932-ча шера 11 этинга бетта Лакхера РСФСРа кхелаца герз тийха ве аьнна оттаваь хиннав, бакъда цхьа ха аьлча 10 шера набахта чуволара хийцад Григорий Эржакинезаи Анастаса Микоянаи тӀаоттар бахьан долаш.

Лаьцачул тӀехьагӀа Бийсолта Идрис НКВД лагерашка хиннав. 1934-ча шера тушоли бетта кхаччалца Коми АССР НКВД лагерашка воалл. ЦИК СССР Президиума ваӀадаца хьахец. Москоа вода из, бакъда пасспорт ца хилар бахьан долаш дӀатӀаязвац. ТӀаккха Туле а ваха заводе пьанировщик хиле отт.

Заьзганаькъан Идриса боккха болхбаьб ГӀалгӀай автономни области нанагӀала ХӀирашта дӀа ца кхачийтта гӀерташ. Из хиннад керттера цун репресси яра бахьан. 1937-ча шера аьрхӀий бутт болалуча хана ший сесаг Ярыча Жанеттайца юха а лаьца хиннав. 1938-ча шера баьцамеа бутт Шолжа-ГӀалийтӀарча НКВД набахта веннав.

Белгалдаккхар[тоаде | тоаде чура]