Дунен дакъа

Дунен доакъош белгалдаь да тайп-тайпара бесашца:

• Астралии Океании — шаькъа бесса;
• Ази — моажа;
• Америка — баьццара;
• Антарктида — сигала бесса;
• Африка — IажагIа;
• Европа — цIе.

Дунен дáкъа (эрс: Часть света) — дакъа лаьттан регионаш я, гIáраш (континенташ) е цар доккхий доакъош чулоацаш, юхе яьдаш йола гIайренашца цхьанна.

Массаза белгалдоаха ер ялх дунен дакъа:

• Астрали;
• Ази;
• Америка;
• Антарктида;
• Африка;
• Европа.

Наггахьа къаьстта дола дакъа санна белгалъю Океани. НийлхагIа цунна тохкам бу Астралица цхьанна, вIашагIтеха дунен дакъа Астралии Океании санна. Дунен доакъоех декъари гIáрашах декъари башхало йолаш да, иштта башхало йолаш да Америка хьаелалех довзаш хинна Тиша Дунехи (Еврази а Африка а), Керда Дунехи (шаккхе Америка) декъар. Дуне доакъоех декъадалар ха йодаш истореца хьахиннад.