ГIалгIайчен байракх

Кечал я укхазара: Википеди
Перейти к навигации Перейти к поиску
Гӏалгӏайчен байракх

Гӏалгӏай Республика паччахьалкxен байракх, Гӏалгӏайчен байракх (эрс: Государственный Флаг Республики Ингушетии, Флаг Ингушетии) — байракх я Гӏалгӏай мехка. Из да кӏайча бесара биъ са бола кӏада, цун юкъе цӏеча гома йола хьарак а латташ, цу тӏара дӏайода хӏара зӏи чакхайоаллача дӏакъовланза болча гома хьисапе а йолаш. Байракха шорал цун дӏоахалца нийсдича — 2:3 да.

Сурт оттадар[тоае | тоаде чура]

Байракха лакхерчеи лохерчеи доакъой дерригача дӏоахала баьццарча беса ши оаса бода, царех хӏаране шорал байракха шоралах ялхлагӏа дакъа миссел долаш. Берката хьарака чурча гома зӏилорг байракха шорала цхьайттлагӏача даькъа боараме я. Берката хьарака зӏанараш чакхйоалача дакъовланза болча гома зӏилорг байракха шорала ткъаь пхелагӏача даькъа боараме я. Берката хьарака гом хьахулача оаса шорал байракха шорала цхьайттлагӏача даькъа боараме да. Берката хьарака зӏанарий оаса шорал байракха шорала ткъоалагӏача даькъа боараме да.

Берката хьарака зIанарех цаӏ байракха дӏоахалга диллача нийсса урагӏа яха а Гӏалгӏай Паччахьалкxен байракха лакхерча даькъа тӏа а я. Берката хьарака зӏанараш чакхйоалача дакъовланза болча гома лакхерча йистаи арахьарча гомаи юкъера юкъ байракха шорала ийслагӏача даькъа боараме я.

Берката хьарака зӏанараш берригача гонагӏа цхьатарра йовкъаш йолаш а сахьата гӏоаролга лелара духьала ерзаяь а я. Гӏалгӏай Паччахьалкхен байракх хила еза, цун боарам моллагӏа бале а, цунах яздаьчунца нийслуш.

Беса маIанаш[тоае | тоаде чура]

Кӏай бесо хьахьокх къаман цӏена уйла-нигат хилар; баьццара бесо ӏалама беркат белгалдоаккха, иштта гӏалгӏай къамо лелабу Бусулба Ди; цӏе бос — гӏалгӏай халкъа лийна халои денали хьахьокх, цара шоай мохк безар белгало еш.

ТIахьожаяргаш[тоае | тоаде чура]