Чура лерг

Чура лерг
лат: auris interna
Чура лерг
Митали наӀартӀеи, лакхера сурт.
Кровоснабжение	тувлорга артери
Каталогаш
MeSH MeSH Gray? FMA TA98
Медиафайлаш Викиларма чу

Чура лерг (да) эрс: внутреннее ухо) — лерга кхаь ралсех ралс. Лерга доакъошта юкъе эггара чоалханегӀа я чухье, цудухьа тувлорг оал цунах.

Чурча лерга лоаттам

Чура лерг цаӀ шоллагӀча чу уллача кхаь керттерча даькъах латт:

• (ТӀехка тувлорг (labyrinthus osseus)
• (Пордон тувлорг (labyrinthus membranaceus)
• Гани хазараи маьжен анализатора рецептораш

ТӀехка тувлорг

ТӀехка тувлорг Чоажа тӀехка чу кхосабарг яхаш йолча метте йоалл. Из тувлорг тӀехкех хьахинна йола чений (эрс: полости) система я, хӀаьта цу ченашта чухьанахьа пордонах латта тувлорг йоалл.

ТӀехка лабиринта чу кхо дакъа белгалдоах массаза:

• юкъера — Категория:Википедия:Статьи с некорректно заполненным шаблоном Не переведеноen (vestibulum);
• хьалхашкара — митал (cochlea) ;
• тӀехьашкара — ах герга каналаш (canales semicirculares).

Сага митал хьалхашка йоалл, ахгерга каналаш тӀехьашка йоахк, хӀаьта царна юкъе нийсача кепах йоаца наӀартӀен че йоалл. Пордо́н тувлорг тӀехка тувлорга чу улландаь цун санна кеп а, доакъош а долаш я, зӀамагӀа хилар мара башхало йоацаш. Шин тувлорга́ юкъе перилимфа яха коачалах я. Пордон тувлорга чу а я коачал, цунах эндолимфа оал. Перилимфа БукъатӀехкашкеи цӀийна плазма чуи долча коачала тара я, хӀаьта эндолимфа оагилга чурча коачала тара я.

Митал

Митал хазара маьже я. ТӀехках йола канал я из. Из канал керттерча соан гонахьа шиъ-ах гобоаккхаш чукхаст. Митал Ӏохоадаяьчул тӀехьагӀа лакхера-лохера кӀезига тӀатоаӀаяь йола, 9 мм шереи 5 мм лакхеи йола, конус я. Из канал 32 мм хиллал йӀаьха я.

НаӀартӀеи ахгерга каналаши

НаӀартӀеи (эрс: преддверие) ахгерга каналаши дегӀ га́ра ца далийта эшаш я. Ахгерга каналаш кхаь цаӀ-шоллагӀчунна паралельний йолча ченех латт, царна чу екъо́ йола ах чакхсадоагӀа коачал я. Каналашка чухьа чош доахк, уж чош коачала чу да́д. КӀезига мукха дегӀ е корта меттахьарбаьлча, каналашка йолча коачало чош оагаду, уж оагадалраца нервий импульсаш хьахул наӀартӀен (вестибулярни) нерва чу. Уж импульсаш цуссахьате хьаь чу йолх дегӀ меттахьардаьнналга хоам беш.

ДегӀада́р

Чура лерг чӀоагӀа хьалха хьахила долалу — хи-тӀоара диълагӀа кӀира до́дача хана. Цкъарчоа мӀаьдгӀирга хьисапе болча хьаьн йисте доалл лерг, цу хана сомъенна эктодерма мара дац из. Кера чу долаш ийс кӀира далалехьа хьахинна даьнна хул лерг, цхьабакъда тувлоргаш бер Ӏодаь шу чакхдоаллача хана мара совцац йоккхахила. Филогенетикага диллача, дегӀ гара ца доалийта (вестибулярни) чурча лерга ралс эггара ширагӀа лоархӀ.

Сурташ

• 
  Тувлорг
• 
  Чура лерг
• 
  Чоажа тӀехк
• 
  Чура лерг

Хьажа иштта

• Хазара маьжений гигиена
• Лерга нӀана имплантат
• Лабиринтит
• Нейросенсорни хазар талхар
• НаӀартӀен-нӀана нерв
• Эрнст Рейсснер
• Хазар
• Лерг

Литература

• Быков В.Л. Органы слуха и равновесия // Частная гистология человека (краткий обзорный курс). — Учебник. — СПб.: СОТИС, 2001. — С. 227-235. — 304 с. — 40 000 экз. — ISBN 5-85503-116-0.
• Стратиева О. В. Клиническая анатомия уха: Учебное пособие. — СПб.: СпецЛит, 2004. — 271 с. — ISBN 5-299-00276-9.

ТӀатовжамаш

[[ОагӀат:Оториноларингология]