Пхалг

Шортта кислород йоалла цӀий (цӀе; аьрдехьа) капиллярий ма́за́ гӀолла маьженашка дӀачудо́д, тӀаккха пхалгаш оалача кагийча миашка гӀолла юха пхаьнех кхе́т (сийна; аьттехьа)

Пхалг (ба), дукх.т. пхалгаш (да) (лат: venula «зӀамига пха, пхалг», эрс: венула) — кӀезига кислород йоалла пхаьний цӀий капиллярашкара пхаьнашка кхухьа кагий миаш. Капиллярий ма́за баьлча долх пхалгаш.

Гистологи

Пхалга юкъйист 20-100 мкм я. Пхалгий пенаш кхаь чӀибалах латт: чурчеи, юкъерчеи, тӀерчеи.

1. Пхалгий чухьнахьара чӀибал эпителия оагилгех латта эндотелий я. Пордув санна я из.
2. Пхалгий юкъера чӀибал шаьрача пхьида оагилгех я. Юкъера чӀибал дика этта ца хилар бахьан долаш, пенаш артерилгийчарел диткъагӀа да пхалгий.
3. ТӀера чӀибал адвентици я.

Пхалгий тайпаш

Пхалгаш кхаь тайпара хул:

• Капиллярашта тӀехьа доагӀа пхалгаш — 12—30 мкм юкъйист йолаши, массехк капилляр вӀашагӀкхетарца хьахиннеи
• Гулду пхалгаш — 30—50 мкм юкъйист йолаши капиллярашта тӀехьа доагӀа пхалгаш вӀашагӀкхетарца хьахиннеи.
• Пхьидий пхалгаш — 100 мкм юкъйист йолаши. У них хорошо развита средняя оболочка, в которую входит один слой гладкомышечных клеток. Наружная оболочка также хорошо развита.

ТӀатовжамаш

• Histology of the blood vessels  (ингл.) — Миай гистологи.