Овшанаькъан Султана Руслан
Óвшанаькъáн Султáна Руслáн (эрс: Аушев Руслан Султанович) — ГӀалгӀайчен а Эрсечен а паччахьалкхен болхло ва. Советий Союза Турпал (1982 ш.), инарал-лейтенант. ГӀалгӀай Республика хьалхара мехкда. ТӀемлой-интернационалистий гӀулакхаш кхоачашдара Комитета тхьамада. «Боевое братство — без границ» яхача Халкъашта юкъера союза лакхерча совета доакъашхо.
Овшанаькъан Руслан ваьв аьрхӀий бетта 29 дийнахьа 1954 шера Казахий ССР-а Кокчетавски областен «Володарское» яхача юрта (хӀанз из Казахий Мехка ГӀинбухе-Казахий областен Айыртауски яхача шахьара Саумалколь юрт я).
Да — Овшанаькъан Юсупа Султан-Хьамид, нана — Овшанаькъан Тамари.
Советий Эскара чу хиннав 1971 ш. денз. Чакхъяккхай Совета Союза маршала А. И. Ерёменко цӀерах йола Орджоникидзевски лакхера дерригача эскара командни училище. Цига цо дийшад 1971–1975 шерашка. 1980 шу кхаччалца амал даьд Даькъастен тӀема округе: 1975—1976 шш. — мотострелкови взвода командир волаш, 1976–1979 шш. — мотострелкови рота командир волаш. 1979–1980 шш. — мотострелкови батальона штаба кулгалхо хиннав.
Села 7 дийнахьа 1982 ш. Овшнаькъан Руслана «Советий Союза Турпал» звани еннай. Приказа текст:
«За мужество и героизм, проявленные при оказании интернациональной помощи Демократической Республике Афганистан, Указом Президиума Верховного Совета СССР от 7 мая 1982 года капитану Аушеву Руслану Султановичу присвоено звание Героя Советского Союза с вручением ордена Ленина и медали „Золотая Звезда“ № 11472».
1993 шера Саькур 28 дийнахьа Овшанаькъан Руслан хержав ГӀалгӀай Паччахьалкхен хьалхара мехкада.
1994 шера Саькур 27 дийнахьа Овшанаькъан Руслан ГӀалгӀайчен Мехкда хилар бокъо дӀачӀоагӀъяш цхьаькхаза хоржамаш хиннад. Цу хоржамашка дакъа лаьцарий 94,2 проценто кхаж тессар Овшанаькъан Руслана́.
Каламаш[тоаде | тоаде чура]
 | Эггара керттера дар да вай цӀий цхьаннеца а вӀашагӀъийна ца хилар. Эса чура хий мо да вай цӀена, уйлаш а цӀена я вай из хий санна. |  |