MediaWiki

Кечал я укхазара: Википеди
Перейти к навигации Перейти к поиску
MediaWiki.svg

MediaWiki (МедиаВики) — вики-проекташта кIийлен тIа ула, царга болх байташ бола движок ба. Из язбаь (кийчбаь) хиннаб лаьрххIа Википеденна, амма пайда эцаш лелабу «Викимедиа» яхача фонда кхыйолча проекташка а. MediaWiki лоIаме программа я, GNU General Public License (е лоацца GNU) яхача юкъарлен лицензен бехкамашца дIа-хьа яржаш я.

MediaWiki язбаьб скриптий меттал (PHP), дараш уладара духьа цо пайда эц «реляционная база данных» яхача ражах (леладе йиш я MySQL, PostgreSQL, SQLite, Oracle Database); иштта могаду «memcached», «Squid» яха программаш лелаяр.

MediaWiki хьалу оагIонаш йолча базаца болхбара интерфейс а, раже урхалдара тайп-тайпара бокъонаш хилар а, текста хувцам бе а башха форматашца (вики-текст, HTML, TeX), сурташи кхыдола файлаши хьачудаха торо а, иштта кхыйола торонаш а.

MediaWiki логотипа маIано белгалбоаккх цо лелабеш бола разметкай мотт. Цу метта чу тIатовжам хьабергболаш лелаю йиъсаьна къовлоргаш ([[]]).