Низ баь зе хиннача къамашта реабилитаци ярах

Федеральный закон от 26 апреля 1991 г. № 1107-I
Федеральный закон от 26 апреля 1991 г. № 1107-I
	О реабилитации репрессированных народов
Бокъон отрасль	Конституце бокъо
Тайпа	Закон РСФСР/Российской Федерации
Паччахьалкхе	Советий Социалистически Республикий Союз;
Номер	1107-I
ТӀаэцар	РСФСР Лакхехьара Совет: ; 1991-ча шера бекарга бетта 26-ча дийнахьа
Кулг яздар	РСФСР президент Ельцин Борис: ; 1991-ча шера бекарга бетта 26-ча дийнахьа
Нидз чуба́р	1991-ча шера бекарга бетта 26-ча дийнахьа
Духхьара кепатохар	«Ведомости Съезда народных депутатов РСФСР и Верховного Совета РСФСР», 1991, № 18, ст. 572
Болх беш йола редакци	1993-ча шера кӀимарса бетта 1-ча дийнахьа Россе Федераце № 5303-I йола закон

Низ баь зе хиннача къамашта реабилитаци ярах (эрс: Закон РСФСР от 26 апреля 1991 г. N 1107-I «О реабилитации репрессированных народов») — къамаш мехках дахар «аьлдитеи геноцидеи политика» я аьнна чӀоагӀ а деш, цар хьал меттаоттаде дезаш хинна 1991-ча шера бекарга бетта 29-ча дийнахьа тӀаийца дола РСФСР № 1107-I йола закон^[1]; 1993-ча шера кӀимарса бетта 1-ча дийнахьа Россе Федераце № 5303-I йолча законаца эргадаьккхад^[2].

Кхы мел дар ца лаьрхӀача, законо мукӀарло ду конституцена духьалара политика хилалехь низ баь зе даьча къамий шоай лаьттацара бӀарччал меттаоттае а, иштта паччахьалкхено даь зе меттаоттаде а бокъо йолга^[1].

Законал хьалха 1989-ча шера лайчилла бетта 14-ча дийнахьа араяьнна «О признании незаконными и преступными репрессивных актов против народов, подвергшихся насильственному переселению, и обеспечении их прав» яха СССР Лакхехьарча Совета Деклараци йоагӀаш хиннай^[3].

1991 шера закона массехк эшам хиннаб: геттара лоадам болча пункташка формулировкаш ер ма дий аьнна къаьгга хӀама белгалдоаккхаш цахилари, из закон кхоачашдар малагӀча механизмашца вӀаштӀехьадаккха деза лерттӀа белгалдаькккха цахилари^[4].

ТӀехьатӀайоагӀа акташ

«О реабилитации репрессированных народов» закон дегӀадоаладеш массехк законодательни акт тӀаийцай, царех я:

РФ Лакхехьарча Совета 1992-ча шера кӀимарса бетта 16-ча дийнахьа баь «О реабилитации казачества» яха чӀоагӀам;
РФ Лакхехьарча Совета 1993-ча шера бекарга бетта 1-ча дийнахьа баь «О реабилитации российских корейцев» яха чӀоагӀам а;
РФ Доалечено 1992-ча шера наджгоанцхой бетта 24-ча дийнахьа баь «О первоочередных мерах по практическому восстановлению законных прав репрессированных народов Дагестанской АССР» яха чӀоагӀам а;
РФ Лакхехьарча Совета 1993-ча шера аьтинга бетта 29-ча дийнахьа баь «О реабилитации российских финнов» яха чӀоагӀам а;
кхыяраш а

2012-ча шера тов бетта 25-ча дийнахьа «ЦаӀ йолча Эрсечен» депутаташа Паччахьалкхен дума чу низ баь зе хиннача къамий викалашта гӀо-новкъостал дарах йола законпроект чуйихьа́ хиннай. Законопроекта автораша федеральни булама чура 23 млрд сом хьабелгалдаккха хьийхад политиках баь тутмакхашта гӀо дара духьа. Автораша лаьрхӀачох, из ахча бетт-бетта те́лача ахча́и, 35 бӀаь тума кхаччалца йоайаьча мулках йолча компенсаценеи дӀадаха дезаш хиннад из ахча. Проект чакхъяьннаяц.

ГӀирма Эрсеченах хьатехачул тӀехьагӀа, 2014-ча шера бекарга бетта 21-ча дийнахьа Владимир Путинс «О мерах по реабилитации армянского, болгарского, греческого, крымскотатарского и немецкого народов и государственной поддержке их возрождения и развития» яхача амара́ кулг^[5] Амар ГӀирман АССР-е дахаш а хинна, цигара мехках даьхача къамех лаьца хиннад, хӀана аьлча 1991-чеи 1993-ча шерашка ГӀирма Россе Федераце лоаттаме хинна ца хиларах, цу ханара законаш ГӀирманна доагӀаш хиннадац.

Белгалдаккхар

1 2 Закон РСФСР от 26.04.1991 N 1107-I "О реабилитации репрессированных народов" (с изменениями и дополнениями) | ГАРАНТ. base.garant.ru.
↑ Закон РФ от 01.07.1993 N 5303-I "О внесении изменений и дополнений в Закон РСФСР "О реабилитации репрессированных народов" | ГАРАНТ. base.garant.ru.
↑ Nikolai Bougai, The Deportation of Peoples in the Soviet Union, p.208
↑ Правовые вопросы реабилитации репрессированных народов, in Pravo i Zhizn, 1994, no 4, p. 26.
↑ Decree No 268 Внесены изменения в указ о мерах по реабилитации армянского, болгарского, греческого, крымско-татарского и немецкого народов и государственной поддержке их возрождения и развития. Президент России (13 September 2015). amended by Decree no. 458 of September 12, 2015 Указ Президента Российской Федерации от 12.09.2015 г. № 458. Президент России.

ТӀатовжамаш

Закон РСФСР от 26 апреля 1991 года № 1107-I «О реабилитации репрессированных народов» // s:ru:Закон РСФСР от 26.04.1991 № 1107-I
Постановление Верховного Совета CCCP от 7 марта 1991 года № 2013-I «Об отмене законодательных актов в связи с Декларацией Верховного Совета СССР от 14 ноября 1989 года «О признании незаконными и преступными репрессивных актов против народов, подвергшихся насильственному переселению, и обеспечении их прав»» // s:ru:Постановление ВС СССР от 07.03.1991 № 2013-I (in Russian)
Декларация Верховного Совета CCCP от 14 ноября 1989 года «О признании незаконными и преступными репрессивных актов против народов, подвергшихся насильственному переселению, и обеспечении их прав» // s:ru:Декларация ВС СССР от 14.11.1989

[Закон_1993-1] 1 2 Закон РСФСР от 26.04.1991 N 1107-I "О реабилитации репрессированных народов" (с изменениями и дополнениями) | ГАРАНТ. base.garant.ru.

[2] Закон РФ от 01.07.1993 N 5303-I "О внесении изменений и дополнений в Закон РСФСР "О реабилитации репрессированных народов" | ГАРАНТ. base.garant.ru.

[3] Nikolai Bougai, The Deportation of Peoples in the Soviet Union, p.208

[4] Правовые вопросы реабилитации репрессированных народов, in Pravo i Zhizn, 1994, no 4, p. 26.

[5] Decree No 268 Внесены изменения в указ о мерах по реабилитации армянского, болгарского, греческого, крымско-татарского и немецкого народов и государственной поддержке их возрождения и развития. Президент России (13 September 2015). amended by Decree no. 458 of September 12, 2015 Указ Президента Российской Федерации от 12.09.2015 г. № 458. Президент России.

[1]

[2]

[3]

[4]

[5]