Нах баха моттиг

Нах ба́ха моттиг

Нах ба́ха моттиг (я), иштта пхьа (я) (эрс: населённый пункт, (н.п.), селение, населённое место) — нах Ӏеш бола моттиг, Ӏече тӀайола лаьттан да́къа. Боарамгеи кхыча э́камашкеи хьежжа нах ба́ха моттигаш тайп-тайпара хул: юрт-эйла, кхала, гӀа́ла, о́тар, пхье хьисапе моттиг.

Нах ба́хача моттига хиланза яргйоаца белгало я шер-шера цига нах хилар — шера заман чу мукъа́. ДукхагӀа мел йолча хана паччахьалкхен доазон тӀа йоккхагӀйолча нах ба́хача моттигех цаӀ наьнагӀалан статус йолаш хул.

Эрсечен нах баха моттигаш

Эрсече законаца дӀачӀоагӀдаь моттиг яц нах ба́хача моттига статус ба́хархой дукхалца е етта́ча гӀишлонашца хоттаенна хилар, амма юрта хьисапе моттиг пхьенах къедара белгало лоархӀ экономикацарча хьалах: пхье оалаш йолча метте дукхагӀа мел бола нах юртбоахамца къахьегаш бац. Цудухьа цхьаццайола юрташ пхьенел йоккхийгӀа хул.

Эрсечен эггара йоккхагӀа йола юрта хьисапе моттиг я Каневски яха станица, из улл Краснодара крае, цига ва́хаш саг ва, из раз йоккхагӀа я эггара зӀамагӀа йолча пхьенал — Иннополисал, цига ва́х саг.

ГӀалгӀайчен нах ба́ха моттигаш

Керттера статья: ГӀалгӀайчен нах баха моттигаш

ГӀалгӀай Мехка доазон тӀа я́да массехк тайпара йола нах ба́ха моттигаш. ГӀалгӀай меттала царех цӀи йоах пхьа(пхье) — ГӀалашпхье, Шолжа-Пхье, юрт: Эбарг-Юрт, ТӀой-Юрт, ков: Заьзгакъонгий-Ков, Дола-Коа, ГӀаьзе-Коа, гӀала: Илдарха-ГӀала, кхала — Аьгекхала, цӀенге: Гадаборша-ЦӀенге. Паччахьалкхен Ӏаьдалга диллача, уж я е город, е сельское поселение, е станица яхаш статусаш йолаш.

Хьажа иштта

• Россе юкъара административно-доазон екъара объектий классификатор (ОКАТО)

Литература

• Населённое место // Доккха советий энциклопеди : [в 30 т.] / гл. ред. А. М. Прохоров. — 3-е изд. — М. : Советская энциклопедия, 1969—1978.

ТӀатовжамаш

• ОКАТО на сайте «Консультант»