Марзабиканаькъан Абубакара ИбрахӀим
| Марзабиканаькъан Абукара ИбрахӀим | |
|---|---|
| Ваь таьрахь | 19 лайчилла 1937 |
| Кхелха таьрахь | 22 аьтинга 2016 (78 шу) |
| Кхелха моттиг | Илдарха-ГӀала, ГӀалгӀайче |
| БӀорахол |
 СССР Россе Федераци |
| Леладу гӀулакх | лор-травматолог |
| Бераш | ГӀапур, Махьмуд, Лейла |
Марзабиканаькъан Абукара ИбрахӀим (эрс: Ибрагим Абукарович Мурзабеков, 1937 шера ноябрь бетта 19 ди — 2016 шера июнь бетта 22 ди[1].) — гӀалгӀай лор-травматолог, лорий Ӏилмай доктор, профессор[1]. ГӀалгӀай паччахьалкхен университета госпитальни хирурге кафедра кулгалхо хиннав; ГӀалгӀай Мехка дукха дика хӀамаш карагӀдийна лор[1] .
Биографи
[тоаде | тоаде чура]ИбрахӀим ваьв ГӀалме шахьаре улача Шолхе 1937-ча шера лайчилла бетта 19-ча дийнахь. 1965-ча шера ХӀирий лорий институт яьккхай цо. 1965—1966-ча шерашка МагӀалбикерча пхьен дарбанче болх беш хиннав из хирург волаш, хӀаьта 1966—1969-ча шерашка — Наьсарен шахьара юкъерча дарбанче болх баьб хирурги керттерча лора дарбан даькъе когаметтаоттари волаш. 1969—1971-ча шерашка хӀирий институте клинически ординатура йоаккхаш хиннав. 1971—1979-ча шерашка Буро тӀарча сихача гӀон клинически дарбанчен травматологе отделене клинически ординатор волаш болх баьб. 1978 шерагара денз лорий Ӏилмай кандидат ва. 1979—1982-ча шерашка Алжире болх баьб, цул тӀехьагӀа итт шера ше хьалха клинически ординатор волаш болх баьча Буро тӀарча сихача гӀон дарбанчен лор-травматолог хиннав, царех хьалхара бархӀ шу цо даьккхад керттера лор волаш, вож ши шу — керттерча лора когаметтаоттар волаш. 1 Буро тӀарча ЦКБ керттера лор хиннав. 1983 шера эггара хьалха Алжирера ше хьаенача ференгий протез оттаеш операци дӀайихьай. 1992 шерагара денз кхалхалца ИРКБ травматологе отделене кулгалхо хиннав[2].
Россе хирургий юкъарлен доакъашхо хиннав[3].
ГӀалгӀай паччахьалкхен университете хьехаш хиннав ИбрахӀим — из йилла́ча хана денз госпитальни хирурге кафедра кулгалхо волаш къахьийгад цо[2]. Студенташта травмотологии ортопедии хьехаш хиннав, иштта тӀеман-арара хирурги а бохамий лорал а хьийхад[1].
Лорий Ӏилмай доктор хиннав. ГӀалгӀай Мехка УнахцӀено лораяра министерствон керттера травматолог хиннав. ГӀлгӀайчен мехкдаьн экономикацарча совета доакъашхо хиннав[2].
СовгӀаташ
[тоаде | тоаде чура]- ГӀалгӀай Мехка дукха дика хӀамаш карагӀдийна лор
- ГӀалгӀай Мехка дукха дика хӀамаш карагӀдийна Ӏилман къахьегамхо[2].
ЛоархӀаме факташ
[тоаде | тоаде чура]Белгалдаккхар
[тоаде | тоаде чура]- ↑ 1,0 1,1 1,2 1,3 Сообщение Минздрава РИ о смерти (тӀакхача вӀаштехьа доаца тӀатовжам — тархьар). ТӀеххьара техка хиннад укх дийнахьа: 26.06.2016. Архиве оттадаьд хьалхара хьаста чура укх дийнахьа: 15.08.2016. Архиве диллад 2016 шера маьцхали 15 дийнахьа.
- ↑ 2,0 2,1 2,2 2,3 Друзья и коллеги, 2016, оа. 4.
- ↑ Карточка в системе НМО РОХ (тӀакхача вӀаштехьа доаца тӀатовжам)
- ↑ Ушёл из жизни врач-травматолог Ибрагим Мурзабеков. Статья на bakdar.org (тӀакхача вӀаштехьа доаца тӀатовжам)
- ↑ Восхождение Архиве диллад 2016 шера маьцхали 8 дийнахьа.
ТӀатовжамаш
[тоаде | тоаде чура]- Друзья и коллеги. Мурзабеко И. А.. Медицина Республики Ингушетия, научная общественность, родные и близкие, друзья и коллеги понесли тяжелую утрату. На 79-м году жизни скончался // Сердало : газет. — 2016. — июня 25 дийнахьа (№ 96 (11631)).
- Ушёл из жизни врач-травматолог Ибрагим Мурзабеков. Статья на bakdar.org (тӀакхача вӀаштехьа доаца тӀатовжам)