Ло:ХӀанзара хержа статья
За́кир Ӏабдуль-Кари́м Найк (урду ذاکر عبدالکریم نائیک) — хӀиндий бусалба даӀват дер, Ислама тохкама фонда да́. Хирург-лора диплом долаш ва. Мумбай пхье Ислама халкъашта юкъера школа йилла́р ва.
За́кир Ӏабдуль-Карим Найк ваьв 1965 шера Ардара 18-ча дийнахьа ХӀиндехье Мумбай яхача пхье. Мумбаера школа ма яьккханге Kishinchand Chellaram[en] колледже эттав. Мумбаера университет яьккхай лоралеи хирургини бакалавра дарже волаш. Сесаг ФархӀат Найк а, воӀ Фарикъ а, Закир санна даӀват деш ба.
1991-ча шера болабаьб Закир Найка ди хьехаш бола болх, цу шера йийлай цо Ислама тохкама фонд а. Закира хьаяхачох, даӀват де цун чам сомабаьккхар хиннав 1987 шера цун вайза вола Ахьмад Дидат.
Цун дуккха дискуссеш дӀа а язъеш СМИ а Дуненмазага а гӀолла дӀа-хьа йоаржаю. Цун диспуташ массехкача кабела каналаш тӀа гойташ я, царех я цо ше йийла йола Peace TV а. Цун хьокхачений темаш: «Ислами хӀанзара Ӏилмеи», «Ислами жӀаргахой дии», «Ислами секуляризми».