Ков:Ислам/Введение

Ислам е Бусулба ди (Iар. الإسلام‎ — al-Islām — мутIахь хилар (Далла); из дош хьадаьннад са-ля-ма яхача Iарбий-семитий хандеша овлах, "машар боаржабар" яха маIан долаш. «Ислам» — дунен ди ба, дерригача Лаьтта тIа дIа-хьа баьржа. Цун лард я цаI волча Даьлах (АллахIах) тешари Мухьаммад (саллаллахIу IалейхIи ва саллам) тIехьара пайхамар а Даьла Элча а хилар къоабалдари. ИбрахIим пайхамарах хьадаьннача динашта юкъера ди ба Ислам. Из хьахиннаб VII (ворхлагIча) бIаьшаре Iарбий ахгIайре тIа малхбузехьа уллача Хиджаз яхача моттиге. Ислам пхе бIоагIан тIа латт: шахьадат доаладар, ламаз дар, марх кхабар, загат дIадалар, хьажол дар. Ислам леладечарех «бусулба нах» оал (Iарб. «муслимун», цхьоален таьрахье — «муслим»).