Чулоацамага гӀó

Къулбаседа Кавказера лоаман-металлурген институт

Википеди материал

Ло:Карточка университета Къулбаседа Кавказера лоаман-металлурген институт эрс: Северо-Кавказский ордена Дружбы народов горно-металлургический институт (государственный технологический университет, СКГМИ (ГТУ) — Буро тӀара технически профила лакхера дешарче. Йиллай 1931-ча шера.

Лакхера дешарче вӀашагӀъелла 1931-ча шера маьцхали бетта 26-ча дийнахь СССР Халкъан Боахама Лакхерча Совета №508 йолча амарца Къулбаседа Кавказера метталурген института къоарзача маьхий отделенен ларда тӀа Къоарзача маьхий институт (эрс: Институт цветных металлов) аьнна[1].

1933-ча шера СССР ЦИКо Къулбаседа Кавказера къоарзача маьхий института Типовой низам дӀачӀоагӀдаьд, цо яхачох институте ши факультет хиннай: лоаман-мӀани металлургени. 1934-ча шера института болхлой гӀонца СССРе духхьашха электролитни цинк хьадаккхара технологех пайда ийцаб. Хьадаьккха́ча 30 кийла йолча цинка хьокхам «Севкавцинк» яха фост а латташ Москве хьал а дена СССР Совнаркома тхьамада волча В. В. Куйбышева́ дӀакховдадаь хиннад[1].

1936-ча шера институте хьалхара лоаман инженераш дийша баьннаб — 17 саг. 1937-ча шера института́ керда цӀи еннай — Буро тӀара къоарзача маьхий институт — (эрс: Орджоникидзевский институт цветных металлов)[1].

Хьагучох, 1964-ча шера института керда цӀи еннай — Къулбаседа Кавказера лоаман-металлурген институт (эрс: Северо-Кавказский горно-металлургический институт)[1].

Советий хана института массехк орден еннай[1].

1994-ча шера аьтинга бетта Эрсечен Лакхерча дешарах йолча паччахьалкхен комитето аттестацен экспертиза чакх ма яьккхинге амар даьд Къулбаседа Кавказерча лоаман-металлурген институтах Къулбаседа Кавказера паччахьалкхен технологически университет (эрс: Северо-Кавказский государственный технологический университет) аьнна цӀи тилларах[1].

2003-ча шера РФ Дешара Министерствон № 2110 йолча амарца университета цӀи хийцай — цу хана денз Къулбаседа Кавказера Лоаман-Металлуриген Институт (Паччахьалкхен Технологически Университет) яхаш я из (эрс: Северо-Кавказский Горно-Металлургический Институт (Государственный Технологический Университет))[1].

2021-ча шера тов бетта 4-ча дийнахьа СКГМИ (ГТУ) Россе Федерацен Президент волча В. В. Путина Баркал оала каьхат деннад[1].

Факультеташ

[тоаде | тоаде чура]

• Лоаман-металлургически (эрс: горно-металлургический факультет)
• Электромеханически факультет (эрс: электромеханический факультет)
• Архитектуран-гӀишлонхой факультет (эрс: архитектурно-строительный факультет)
• Хоама технологийи электорнни технологийи факультет (эрс: факультет информационных технологий и электронной техники)
• Экономикан факультет (эрс: экономический факультет)
• Юридически факультет (эрс: юридический факультет)
• Заочни дешара факультет (эрс: факультет заочного обучения)
• Вуза́ хьалхагӀарча кийчон (эрс: факультет довузовской подготовки)[1]

Белгалдаккхар

[тоаде | тоаде чура]

Литература

[тоаде | тоаде чура]
  • 50 лет Северо-Кавказскому горно-металлургическому институту. — Орджоникидзе: Ир, 1981. — 106 с.

ТӀатовжамаш

[тоаде | тоаде чура]

Ло:Геологические высшие учебные заведения

Хьаст — «https://inh.wikipedia.org/w/index.php?title=Къулбаседа_Кавказера_лоаман-металлурген_институт&oldid=69908»