Кистий чӀож
| Кистий чӀож | |
|---|---|
| эрс. Кистинское ущелье | |
| Йола моттиг | |
| 42°47′54″ с. ш. 44°45′40″ в. д.HGЯO | |
| Паччахьалкхе | |
| Россе Федерацен субъект | ГӀалгӀайче |
| Район | ЖӀайраха шахьар |
| Лоаман система | Кавказ |
Кистий чӀож (эрс: Кисти́нское уще́лье) — Ӏарамхин чӀож я ГӀалгӀай Мехка ЖӀайраха шахьаре. Кистий чӀожа цӀи йоагӀаш я Ӏарамхин тархьаре хиннача цӀера тӀара — Кистийхий (Кистинка), хӀаьта из ше хьахиннай гӀалгӀай къаман цӀерашта юкъе йоагӀача цхьан цӀерах — кистий[1]. Кистий чӀож улла тархьара лаьтта массаза а «Кистети» яхаш хиннад. Из хьоахаю юкъерча бӀаьшерий гуржий йоазонаш тӀа, масала, Вахушти Багратиони белхагахьа[2].
Эрсий каьхаташ тӀа чӀожа цӀи духхьашха хьоахаяьй XIX бӀаьшера, къаьстта, Эрсий-кавказхой тӀема мурах хиннача тӀеман каьхаташ тӀа, масала, инарал-майор Абхазов хьовда волаш ГӀалгӀайче яь хиннача тӀема экспедицех бола хоадам тӀабола, керттерча штаба урхалдечунна инарал-адъютант Чернышевага хьадайта долча Къаьстта Кавказа Корпуса керттера баьчча хиннача инарал-фельдмаршала Паскевича-Эриванскечун 1830 шера маьцхали бетта 31-ча ден Доклада тӀа[3].
Белгалдаккхар
[тоаде | тоаде чура]- ↑ Сампиев, 2019, оа. 176—185.
- ↑ Вахушти Багратиони, 1904, оа. 137, 150.
- ↑ Сборник документов и материалов, 2020, оа. 294—305.
Литература
[тоаде | тоаде чура]- Вахушти Багратиони. География Грузии / Введение, перевод и примечания М. Г. Джананашвили. — Тифлисъ, 1904. — 290 с.
- Ингушетия в политике Российской империи на Кавказе. XIX век. Сборник документов и материалов : [рус.] / Сост., вступ. ст., примеч., указат. и др. М. М. Картоев. — 2-е, исправленное и дополненное. Государственная архивная служба Республики Ингушетия. — Ростов-на-Дону : Южный издательский дом, 2020. — 760 с. — (История Ингушетии: открытый архив). — 1000 экз. — ISBN 978-5-98864-060-8.
- Сампиев И. М. Гидронимы Кистетии (Кистинского общества Ингушетии) // Сборник научных статей института социальных исследований : [рус.]. — 2019. — С. 176—185.
