Чулоацамага гӀó

Доакъашхо:Тоадархо/Эрсечен федеративни оттам

Википеди материал

Ло:Политика России Эрсечен федеративни оттам (эрс: Федеративное устройство России) — Эрсечен паччахьалкхен оттама кеп. Федеративни оттам дӀакхайкабаь хиннаб XX бӀаьшера хьалхарча шерашка. Эрсече юкъедоагӀача даькъах оал Россе Федерацен субъект е лоацца Федерацен субъект. 1993 шера тӀаийцача Конституце оттадаьчох Россе Федераци латт цхьатарра бокъонаш йолча субъектех. Федераце чура аравалара бокъо могаяьяц[1].

«Протофедераци»

[тоаде | тоаде чура]

«Федераци» яха термини цун теорецара ларди тӀехьагӀа мара хьахиннаеце а, федеративни принципа лард (е цун протофедеранивни юхьигаш) Эрсече йиллача хана денз гуш я Эрсечен лаьтацарчеи политикацарчеи оттамгахьа[2].

Шира эрсий паччахьалкхе

[тоаде | тоаде чура]

Шира эрсий паччахьалкхе йиллача хана тӀехьа цун юкъарлон низамагахь федерализма элементаш гуш хиннай, этнографе принципагӀа хиннай из[3].

Шира эрсий паччахьалкхе яхар чоалхане система хиннай аьлий лаьтташ юкъе а долаш, цар тайп-тайпара даржаш хиннад шоай автономегахь, шоайла бе-бе бувзамаш долаш хила йиш йолаш а хиннаб уж, барт беш а цаӀал кхычарна кӀалаувттабеш а.

Шира эрсий паччахьалкхе латташ хиннача тайп-тайпарча мурашка цхьадолча лаьтташа шоаех политикацареи экономикацареи юкъ лоархӀаш а, шоай урхазаш эггара низ болашагӀа лоархӀаш а хиннаб[4]. Цхьайолча оалойчений низ болаш автономеш хиннай[5]. Ишта, масала, «Ярослава Правдас» оттадаьчох, Новгорода́ шийна доал де а, ше кхел е а бокъо енна хиннай. Дале а, цу тайпара дукха мукъаленаш ялар бахьан долаш цхьадола лаьтташ дӀакъасташ паччахьалкхе оалойченаш а хулаш йохаш ха енай тӀехьагӀа[6].

Феодальни къаьстта хилар

[тоаде | тоаде чура]

XII—XVI-ча бӀаьшерашка Эрсечен екъаенна хиннача заман белгало хиннай политикацара доал дуккхача оалойченашта юкъе гӀолла дийкъа хиннад, дар дийцача, цхьа паччахьалкхе мо хиннаяц из цу хана. Цу замалахь моттигерча аьлий йоккха кортамукъале хиннай, цудухьа каст-каста шоайла довнаш доахаш хиннад цар[7].

Эрсий паччахьалкхе

[тоаде | тоаде чура]

Эрсий къайсарче хиннача заман чу паччахьалкхен доал юккъера деш хиннад паччахьа кара а долаш. Москверча паччахьалкхено малхбоалехьа а зӀилбухехьа а Ӏоткъам беш лаьтташ хьадоахаш паччахьалкхенах керда лаьтташ хьакхийттад ше-шоай белгалонаш йола. Цхьадола лаьтташ (масала, Сибарера ханче[8]) цкъарчоа шоай автономи йолаш хиннаб паччахьа пурамца, цо йоакхо ярца — е, Казанерча ханченца мо, цу тайпара автономи ялар хила мегаш мара хиннадац, цхьабакъда ха-зама мел йода юкъага юкъага йодаш йолча системас шийна хьачуэцаш цунца дӀаувш хиннад уж лаьтташ[9][10].

Россе импери

[тоаде | тоаде чура]

Россе импере урхал дар чӀоагӀа чоалханеи дукха лагӀаш долаши хиннад[10]. Император цхьаккха тайпара доазув доаца доал долаш хиннав еррига импере цунна мутӀахьа а йолаш. Цхьабакъда Россе импери геттара йоккха хиларах а, цун охлой тайп-тайпарча къамаех хилар бахьан долаш а цхьайолча регионий тайп-тайпара мукъалений даржаш хиннад. Керттерча лаьттацарча цхьоалленех хиннай йисташи, губернеши, областаши, уездаши, округаши (е приходаш, Суомийче). Уж регионаш а екъалуш хиннай: станаштеи, отделаштеи, участкаштеи (Суомийче — ленсманченаш)[11].

Эрсеченах хьакхийтта цхьадола лаьтташ суверенитета тара йола статус йолаш а хьахиннай. Шоай доалченаш а, законаш а, кхыметтала конституцеш а хиннай цар. Масала, 1809-ча шера Суомийче дикка автономи а, ший конституци а йолаш юкъеяхай Эрсеченна. ТӀаккха 1815-ча шера Венерча конгрессо соцамаш даьчул тӀехьагӀа Эрсечех Варшаван герцогчен цхьа дакъа хьакхийттад, цох Полхой къайсарче хьаяьй ше мо кхы статус а йоацаш, иштта ший конституци а йолаш[12].

Цунца цхьана федерализма къамаьлаш гуччахьа кхайкадар Россе импере «Россе паччахьалкхала́ тӀакховдар» санна лоархӀаш а хиннад. Масала, Россе имперех федараци хьаяр (13 державаи, 2 области йолаш, ЭгӀарча Нижнем Новгороде нанагӀала а йолаш) декабрист хиннача Муравьёв Никитай конституце проекта чу хиннад[12].

Федераце тархьар

[тоаде | тоаде чура]

Таханарчоа тара болча Эрсечен федеративни оттама тархьара бӀаь шу гаргга ха яьннай, цун овла 1917-ча шера ардара бетта хиннача революцеца бувзабенна ба.

1918-ча шера Учредительни гуллам

[тоаде | тоаде чура]

Эрсече федеративни оттам оттабе духхьашха Учредительни гуллам хьежа хиннаб ший лоацача резолюце тӀа:

Именем народов, государство Российское составляющих, Всероссийское Учредительное собрание постановляет: государство Российское провозглашается Российской демократической федеративной республикой, объединяющей в неразрывном союзе народы и области, в установленных федеральной конституцией пределах суверенные.

— Постановление Учредительного собрания о государственном устройстве России. 6 (19) января 1918 года[13]

Цхьабакъда Болх бечеи салтий болчеи депутатий Ерригроссе юккъерча кхоачашдеча комитето Учредительни гуллам дӀахецарах цун соцамаш практике кхоачашдаь хиннадац, цхьабакъда тархьара лоадам боккха хиннаб цун[13][14].

Советий федераци

[тоаде | тоаде чура]

Советийи россеи бокъон система чу эттача ӀадатӀагӀа, официально федеративни оттамо болх болабаь ха лоархӀ Болх бечеи Ло:Комм халкъа бокъоний деклараци тӀаийца ха, тӀехьагӀа РСФСР конституце дакъа хьахиннад цох[3]:

Российская Советская Республика учреждается на основе свободного союза свободных наций как федерация Советских национальных республик.

— Конституция (Основной Закон) Российской Социалистической Федеративной Советской Республики
Принята V Всероссийским съездом Советовв заседании от 10 июля 1918 года[15]

1922-ча шера оагӀой бетта 30-ча дийнахь СССР Советий I-ча Съездо СССР хьакхолларах договори декларации тӀаийцад, цо яхачох, РСФСР УССР-цеи, БССР-цеи, Кавказдехьарча СФСР-цеи  (эрс.) (гӀа. керда Советий Союз яхача федераци хьа а еш цхьанкхийттай[16]. ТӀехьагӀа шинна а каьхатах 1924-ча шера СССР конституце дакъа хьахиннад:

Российская Социалистическая Федеративная Советская Республика (РСФСР), Украинская Социалистическая Советская Республика (УССР), Белорусская Социалистическая Советская Республика (БССР) и Закавказская Социалистическая Федеративная Советская Республика (ЗСФСР: Советская Социалистическая Республика Азербайджан, Советская Социалистическая Республика Грузия и Советская Социалистическая Республика Армения) объединяются в одно союзное государство — Союз Советских Социалистических Республик.

— Советийи Социалистий Республикий Союза Конституци (Керттера Закон)
ТӀаийцай хьалхарча гулдара СССР ЦИК-а шоллагӀча сессе 1923-ча шера кӀимарса бетта 6-ча дийнахь,
иштта 1924-ча шера наджгоанцхой бетта 31-ча дийнахьа СССР Советий II съездо тӀеххьарча редакце тӀа дӀачӀоагӀдаьд[17]

СССР Союзера Республикаш

[тоаде | тоаде чура]

СССР-а лоаттаме йолча республикий мугӀам паччахьалкхен тархьар додача юкъа ишта хувцалуш хиннаб:

  • 1922-ча шера оагӀой бетта 30-ча дийнахь СССР хьакхолларах долча договорагӀа СССР лоаттаме хиннай: Россе СФСР, Украинхой ССР, КӀайэрсий СССР, Кавказдехьара ССР[18];
  • 1925-ча шера СССР лоаттаме Узбекий ССР-и, Туркмений ССР-и юкъеяхай[19];
  • 1929-ча шера — Таджикий ССР[20];
  • 1936-ча шера — Казахий ССР, ГӀиргӀизой ССР; Гуржий ССР, ГӀозлой ССР, Эрмалой ССР (ЗСФСР  (эрс.) (гӀа. лоаттаме хиннай уж, уж ССР-аш хьаеча хана дӀаяьккхай из)[21];
  • 1940-ча шера — Молдвений ССР, Латой ССР, Летой ССР, Эстий ССР, Карелий-Суомий ССР[22];
  • 1956-ча шера Карелий ССР дӀа а яьккха, цун лаьтта юха а РСФСР-а́ юкъедихьад Карелий ССР хьа а еш[22].

Таханарча Эрсечен федеративни оттам

[тоаде | тоаде чура]
2022-ча шера ардара бетта 3-ча дийнахьа хиннача хьалах бола федеративни оттам

СССР еха РСФСР суверенитет а кхайкаяь, цул тӀехьагӀа 1993-ча шера керда Конституци кхайкаяьчул тӀехьагӀа еррига субъекташ — республикаш, йисташ, областаш, федеральни лоархӀам бола пхьеш, автономе округаш, автономе область — ерригаш цхьатарра лоадам болаш нийса йолга кхайкадаьд[23].

ХӀанзарча Эрсечен лаьтта РСФСР-гара кхаьча да. 1992-ча шера федеральни юкъои регионашеи ГӀулакхаш къоастадарах дола федеративни договор яздаьд. 1993-ча шера хӀанз болх беш дола Конституци тӀаийцача хана, 89 субъект хиннай, 2003—2008-ча шерашка регионаш вӀашкайиттача хана 83-нега кхаьчай цар дукхал, тӀаккха 2014-ча шера тушола бетта 18-ча дийнахь ГӀирмеи Севастополи хьатехачул тӀехьагӀеи, тӀаккха керда йиъ регион хьатехачул тӀехьагӀеи юха 89 хьахиннай уж. ТӀеххьаръяраш хьатохар дунено тӀаийцадац[24][25].

РФ хӀанзарца Конституце тӀа регион федераце чура араяла йиш хилар белгалдаьдац[23][26][27][28]. Россе Федераце лаьттацара бӀарччал йохаяра́ тӀехьехамаш дар административни бокъо йохаяр лоархӀ, шу далалехь шозлагӀа дича, уголовни зулам лоархӀаш да[29].

Белгалдаккхар

[тоаде | тоаде чура]
  1. ↑ Дамдинов Б. Д. Государственный суверенитет в системе принципов федеративного устройства России: некоторые проблемы теории и практики // Сибирский юридический вестник. — 2003. — № 4.
  2. ↑ Глигич-Золотарева М. В. Конституционно-правовые основы российского федерализма: проблемы теории, методологии и практики : автореферат диссертации. — Тюмень: Издательство Тюменского государственного университета, 2009. — С. 5. — 41 с.
  3. 1 2 Очир-Гаряева И. К., Бадгева В. Б., Катнанова Б. В., Кюнкрикова О. Б. К вопросу об истории становления федерализма в России // Право и государство: теория и практика. — 2022. — № 7(211). — С. 61—63. — DOI:10.47643/1815-1337_2022_7_61.
  4. ↑ Пятнов А. П. Киев и Киевская земля в 1167-1173 гг. (тӀакхача вӀаштехьа доаца тӀатовжам — тархьар). Московский Государственный Университет им. М.В.Ломоносова.
  5. ↑ Государственный строй Древней Руси (тӀакхача вӀаштехьа доаца тӀатовжам — тархьар). Российское агентство правовой и судебной информации (15 лайчилла 2022).
  6. ↑ Мозговой С. Г. Геополитические основания распада Киевской Руси в 30-х годах XII века // Наука и современность. — 2010. — № 5—1. — С. 139—144.
  7. ↑ Соловьев С. М. Книга 1 (тома 1-2) // История России с древнейших времен : В 15 книгах. — М.: Издательство социально-экономической литературы, 1959. — С. 757. — 812 с.
  8. ↑ Ядринцев Н. М. Сибирь, как колония в географическом, этнографическом и историческом отношении. — 2-е изд., испр. и доп. — СПб.: Издание И. М. Сибирякова, 1892. — 720 с.
  9. ↑ Похлебкин В. В. Глава 2.6. «Казанские походы» Ивана IV Грозного // Татары и Русь. 360 лет отношений в 1238-1598 гг.. — М.: Международные отношения, 2000.
  10. 1 2 Владислав Иноземцев (признан в РФ иностранным агентом), Александр Абалов. Уже не империя: почему Россия не вернется к модели унитарного государства (тӀакхача вӀаштехьа доаца тӀатовжам — тархьар). РБК (25 оагӀой 2019).
  11. ↑ Евгений Сухарников. Состав Российской империи (тӀакхача вӀаштехьа доаца тӀатовжам — тархьар). История.рф (14 тушола 2018).
  12. 1 2 Сулейманов А. Р. Исторические традиции унитаризма и федерализма в России // Интеллектуальный потенциал XXI века: ступени познания. — 2010. — № 2.
  13. 1 2 Постановление Учредительного собрания о государственном устройстве России. Декрет о роспуске Собрания. 1918 г. (тӀакхача вӀаштехьа доаца тӀатовжам — тархьар). Музей истории российских реформ имени П. А. Столыпина.
  14. ↑ Саликов М. Национальный федерализм России. (тӀакхача вӀаштехьа доаца тӀатовжам — тархьар). Влияние национальных отношений на развитие федеративного государственного устройства и на социально-политические реалии РФ (материалы круглого стола).
  15. ↑ Конституция (Основной закон) Российской Социалистической Федеративной Советской Республики (Принята V Всероссийским съездом Советов в заседании от 10 июля 1918 года (тӀакхача вӀаштехьа доаца тӀатовжам — тархьар). Исторический факультет МГУ имени М.В. Ломоносова.
  16. ↑ Договор об образовании Союза Советских Социалистических Республик. 30 декабря 1922 г. // Съезды Советов в документах. 1917 — 1936. — М.: Электронная библиотека исторических документов, 1960. — Т. III. — С. 18—22.
  17. ↑ Основной закон (Конституция) Союза Советских Социалистических Республик (Принят второй сессией ЦИК СССР первого созыва 6 июля 1923 года и в окончательной редакции II съездом Советов СССР 31 января 1924 года) (тӀакхача вӀаштехьа доаца тӀатовжам — тархьар). Исторический факультет МГУ имени М.В. Ломоносова  (эрс.)гӀа..
  18. ↑ Договор об образовании Союза Советских Социалистических Республик. 30 декабря 1922 г. // Съезды Советов в документах. 1917 — 1936. — М.: Электронная библиотека исторических документов, 1960. — Т. III. — С. 18—22.
  19. ↑ Постановление 3-го Съезда Советов ССР от 13 мая 1925 г. «О вхождении в состав Союза ССР Туркменской и Узбекской Социалистических Советских Республик» (тӀакхача вӀаштехьа доаца тӀатовжам — тархьар). Электронный музей конституционной истории России.
  20. ↑ Об истории независимости Таджикистана (тӀакхача вӀаштехьа доаца тӀатовжам — тархьар). Таджикский государственный медицинский университет.
  21. ↑ Джамиева Э. Б. Проблемы государственного размежевания СССР по Конституции 1936 года // Вестник Дагестанского государственного университета. Серия 3: Общественные науки. — 2007. — № 2.
  22. 1 2 Какие республики входили в состав СССР (тӀакхача вӀаштехьа доаца тӀатовжам — тархьар). Парламентская газета.
  23. 1 2 Конституция Российской Федерации (тӀакхача вӀаштехьа доаца тӀатовжам — тархьар). Официальный сайт Президента России.
  24. ↑ Резолюция Генеральной Ассамблеи ООН A/RES/68/262 (тӀакхача вӀаштехьа доаца тӀатовжам — тархьар). Организация Объединённых Наций (1 бекарга 2014).
  25. ↑ Резолюция Генеральной Ассамблеи ООН A/RES/ES-11/4 (тӀакхача вӀаштехьа доаца тӀатовжам — тархьар). Организация Объединённых Наций (13 ардара 2022).
  26. ↑
    Калинский И. В. Сецессия // Конституционное право России: энциклопедический словарь / под общей ред. В. И. Червонюка. — М. : Юрид. лит., 2002.
  27. ↑ Светлана Бочарова, Анастасия Корня. Без права выхода (тӀакхача вӀаштехьа доаца тӀатовжам — тархьар). Ведомости (26 тушола 2014). ТӀеххьара техка хиннад укх дийнахьа: 22.08.2019.
  28. ↑ Мнение судьи Конституционного Суда Российской Федерации В.О. Лучина (тӀакхача вӀаштехьа доаца тӀатовжам — тархьар). Консультант Плюс (7 аьтинга 2000).
  29. ↑ Публичные призывы к нарушению территориальной целостности Российской Федерации влекут привлечение к ответственности (ru-RU). epp.genproc.gov.ru. Тарногский муниципальный округ. Вологодская область (15.04.2024).

Литература

[тоаде | тоаде чура]
Хьаст — «https://inh.wikipedia.org/w/index.php?title=Доакъашхо:Тоадархо/Эрсечен_федеративни_оттам&oldid=70837»