Доакъашхо:Тоадархо/Джуз

Ӏарбий меттала Ӏоаяздаь «джуз» яха дош

Джу́з (да) (Ӏар. جزء‎, дукх.т. اجزاء аджза́ъ, дош дешаца нийсдеш — «да́къа»; эрс: джуз)^[⇨] — Къуръана 30 доакъоех цхьа дакъа, латташ да шин хьизбах.

ЦӀи

Ӏарбий جزء‎ [джузъ] яха дош (дукх.т. اجزاء аджза́ъ) Ӏарбий меттала дош дешаца нийсдеш — «да́къа» яхилга да эггара хьалха, цу деша тӀара а даьнна Къуръан даькъ тӀа дӀатӀадаьннад цун маӀан, цхьабакъда шаккхе а дош хӀанз а леладеш да. Ӏарбий меттала чаккхен тӀа хӀамзат яха алап да латташ, цхьабакъда гӀалгӀай йоазонца чаккхен тӀа ишта моттиг хилча из белгалдоаккхалуш дац, дӀаоалаш хала хиларах кхыча метташка а тӀеххьара алап Ӏодожаш мара чудийнадац из.

ГӀалгӀай джуз яха дош Ӏарбийча тӀара доагӀаш хилар шеко яц, цхьабакъда Ӏарбий меттала мо шера а доацаш чӀоагӀа готтаденнад цун маӀан — Къуръана 30-гӀа да́къа мара хьакхетадеш дац цунца. ГӀалгӀай меттала чудаьнначул тӀехьагӀа из дош адамий бага дахарца хувца а деннад: джуз хинначара дукхача на́ха жу́з аьнна хьаоал из, кастта жуж аьнна а юххера жиж аьнна а дӀатӀадаьннад из. Деша класса гойтамца а хаьдда дац деррига: Ӏарбий дош хиларга хьежжа а, из йоазув хиларга хьежжа а, кхыдараш мо дукхагӀа да яха класса ́гойтам болаш дале а, я класса гойтам а адамий меттала лебеш ба цу дешаца. Жиж яха дош жай яхача деша тара а долаш дӀаоттарах цар маӀанаш дӀатӀа-хьатӀа доалаш моттигаш а йолаш я.

Эрсий меттала а джуз яха дош гӀалгӀайдар мо маӀан а долаш, хьаалар а, йоазув а долаш да.

Къуръана джузъаш

Джуза №	ЦӀи	Ӏарбий транскрипци	Таржам	Хьизбаш		Аяташ аятов
Джуза №	ЦӀи	Ӏарбий транскрипци	Таржам	1-гӀа хьизб	2-гӀа хьизб	Аяташ аятов
1	Аль-Хьамду ли-ль-Ля́хӀ	الحمد لله	АллахӀа ба хоастам	1:1 — 2:74	2:75 — 2:141	148
2	Саякъу́лю с-суфахӀа́ъ	سيقول السفهاء	Ӏовдалчар аргда	2:142 — 2:202	2:203 — 2:252	111
3	Тилькя р-русуль	تلك الرسل	Уж элчаш	2:253 — 3:14	3:15 — 3:92	126
4	Куллю-ттӀоӀа́ми	كل الطعام	Деррига даар	3:93 — 3:170	3:171 — 4:23	131
5	Ва-ль-мухсана́т	والمحصنات	Маьре бола кхалнах	4:24 — 4:87	4:88 — 4:147	124
6	Ля юхьиббу л-ЛоахӀ	لا يحب الله	АллахӀа дезац	4:148 — 5:26	5:27 — 5:81	110
7	Ва иза́ самиӀу́	وإذا سمعوا	Царна хозача хана	5:82 — 6:35	6:36 — 6:110	149
8	Ва-ляв аннана́ наззальна́	ولو أننا نزلنا	Оах дессадаларе	6:111 — 6:165	7:1 — 7:87	141
9	Къоа́ля ль-маляу	قال الملأ	Эздеша аьлар	7:88 — 7:170	7:171 — 8:40	159
10	Ва-Ӏляму́	واعلموا	Шоана халда	8:41 — 9:33	9:34 — 9:92	127
11	ЯӀтазиру́н	يعتذرون	Бехказбувргба	9:93 — 10:25	10:26 — 11:5	151
12	Ва-ма́ мин да́ббат	وما من دابة	Дийнатех ма дац	11:6 — 11:83	11:84 — 12:52	170
13	Ва-ма́ убарриу нафси́	وما أبرئ نفسي	Се цӀенвиц аз	12:53 — 13:18	13:19 — 14:52	154
14	Алиф-лям-ра	الـر	Алиф. Лям. Роа	15:1 — 16:50	16:51 — 16:128	227
15	Субхьа́на	سبحان	ЦӀена ва	17:1 — 17:98	17:99 — 18:74	185
16	Къоа́ля алям	قال ألم	Цо аьлар	18:75 — 19:98	20:1 — 20:135	269
17	Икътароба ли-н-на́с	اقترب للناس	Наха гаргавахар	21:1 — 21:112	22:1 — 22:78	190
18	Къад афляхьа	قد أفلح	Толам ма баьккхаб	23:1 — 24:20	24:21 — 25:20	202
19	Ва-къоа́ля ль-лязи́на ля́ ярджу́на	وقال الذين لا يرجون	Са ца тувсараша аьлар	25:21 — 26:110	26:111 — 27:55	339
20	Фа-ма́ ка́на джава́ба къовмихӀ	فما كان جواب قومه	Цун къаман жоп ма хиланзар	27:56 — 28:50	28:51 — 29:45	171
21	Ва-ля́ туджа́дилю́	ولا تجادلوا	Къувса а ма къувса	29:46 — 31:21	31:22 — 33:30	178
22	Ва-ман якнут	ومن يقنت	Шух мутӀахьа хинна	33:31 — 34:23	34:24 — 36:27	169
23	Ва-ма́ анзальна́	وما أنزلنا	Оах десса а дац	36:28 — 37:144	37:145 — 39:31	357
24	Фа-ман азлям	فمن أظلم	Малав кхы зуламегӀа	39:32 — 40:40	40:41 — 41:46	175
25	ИляйхӀи Юродд	إليه يرد	Цунга юлл	41:47 — 43:23	43:24 — 45:37	246
26	Хьа́-ми́м	حـم	Хьа. Мим.	46:1 — 48:17	48:18 — 51:30	195
27	Къоаля фама́ хотӀбукум	قال فما خطبكم	Цо аьлар: "Фу леладу оаш	51:31 — 54:55	55:1 — 57:29	399
28	Къод самиӀа	قد سمع	АллахӀа́ хеза́д	58:1 — 61:14	62:1 — 66:12	137
29	Таба́рок	تبارك	Беркате ва	67:1 — 71:28	72:1 — 77:50	431
30	Ӏамма	عمّ	Сенах	78:1 — 86:17	87:1 — 114:6	564

Литература

Ḏj̲uzʾ // Encyclopaedia of Islam. 2nd ed : [англ.] : in 12 vol. / ed. by P. J. Bearman, Th. Bianquis, C. E. Bosworth, E. van Donzel, W. P. Heinrichs et al. — Leiden : E.J. Brill, 1960—2005. (платн.)