Доакъашхо:Тоадархо/Аль-Бакъарат

Сурат 2 — Аль-Бакъарат
Сурата Ӏарбий йоазув
ЦӀераш
Ӏарбий цӀи	البقرة‎
ЦӀера таржам	«Етт»
Кхыйола цӀераш	Алиф. лям. мим, залика-л-Китабу…
КъорӀана чура моттиг
Сурата номер	2
Цунна хьалхадоагӀар	Аль-Фатихьат
Цунна тӀехьадоагӀар	Аль Имран
Джуз / хизб	1, 2, 3 / 1, 2, 3, 4, 5
Доссар
Десса моттиг	Маддане
Доссара аргӀа	87
Статистика
Руку таьрахь	40
Аятий дукхал	286
Деший / алапий дукхал	6117 / 25500
Кхыбола хоам
Мукаттаа	Алиф. Лям. Мим

Аль-Бакъарат (Ӏарб. البقرة — «Етт») — КъорӀан шоллагӀа сурат. Маддане. Аль-Бакъарат 286 аятах латт.

Аль-Бакъарат — эггара дӀаьхагӀа дола Къуръана чура сурат. Цу чу дувц Къуръан нийса никъ эца АллахӀа бенна хьокхам болга. Цу чу бувц им дилла нах а, кераста нах а, мунафикаш а, иштта дукха шарӀан хьукамаш (соцамаш) а.

ЦӀи

ЦӀи йоагӀа цу сурата чу дувцаш долча Ӏаттах долча дувцара тӀара, АллахӀа Мусай къаманга урс хьекха Ӏотоха аьнна хиннад из:

Муса пайхамара ший къаманга «АллахI шуга амар деш ва Iатта́ урс хьакха, яхаш» аьннача хана цар аьлар: «Тхох кха́рдаш ва хьо?». Цо аьлар: «Со лоралу АллахIаца, се Iовдалча́рех хиларах». Ло:Аят Цар аьлар: «Хьай Даьлага дуIа де тхона, из етт малагIа ба Цо тхона белгалбергболаш. Боккъал, доахан вIашагIъийнад тхона, АллахIа́ лой, тхо цунна тIанийслургда».Ло:Аят Цар аьлар: «Хьай Даьлага дуIа де, из етт тхона белгалбе, аьле». Цо аьлар: «Цо йоах, из етт боккха а боацаш зIамига а боацаш, юкъера ха йолаш ба. Шоашка амар дер хьаде оаш».Ло:Аят Цар аьлар: «Хьай Даьлага дуIа де, тхона цун бос белгалбе, аьнна». Цо аьлар: «Дала йоах, из етт дикка IажагIа ба, бIарахьежачоа хоза хеташ». Ло:АятЦо аьлар: «Да́ла йоах, из етт балха боалаши, лаьтта оахаши бац, е лаьтта хий детташ а бац, цIена а болаш, шийгахь кхыбола бос а боацаш». Цар аьлар: «ХIанз бакъчунца вера хьо». ТIаккха урс хьекхар цар цунна, уж гарга а ма бар из хьа ца де.Ло:Аят

Долчча тайпара йоазув (Ӏар.)

وَإِذْ قَالَ مُوسَىٰ لِقَوْمِهِۦٓ إِنَّ اللَّهَ يَأْمُرُكُمْ أَنْ تَذْبَحُواْ بَقَرَةًۖ قَالُوٓاْ أَتَتَّخِذُنَا هُزُوًاۖ قَالَ أَعُوذُ بِٱللَّهِ أَنْ أَكُونَ مِنَ الْجَٰهِلِينَ ۝ قَالُواْ ٱدْعُ لَنَا رَبَّكَ يُبَيِّن لَّنَا مَا هِيَۚ قَالَ إِنَّهُۥ يَقُولُ إِنَّهَا بَقَرَةٌ لَّا فَارِضٌ وَلَا بِكْرٌ عَوَانُۢ بَيْنَ ذَٰلِكَۖ فَٱفْعَلُواْ مَا تُؤْمَرُونَ ۝ قَالُواْ ٱدْعُ لَنَا رَبَّكَ يُبَيِّن لَّنَا مَا لَوْنُهَاۚ قَالَ إِنَّهُۥ يَقُولُ إِنَّهَا بَقَرَةٌ صَفْرَآءُ فَاقِعٌ لَّوْنُهَا تَسُرُّ ٱلنَّٰظِرِينَ ۝ قَالُواْ ٱدْعُ لَنَا رَبَّكَ يُبَيِّن لَّنَا مَا هِيَ إِنَّ ٱلْبَقَرَ تَشَٰبَهَ عَلَيْنَا وَإِنَّآ إِن شَآءَ ٱللَّهُ لَمُهْتَدُونَ ۝ قَالَ إِنَّهُۥ يَقُولُ إِنَّهَا بَقَرَةٌ لَّا ذَلُولٌ تُثِيرُ ٱلْأَرْضَ وَلَا تَسْقِى ٱلْحَرْثَ مُسَلَّمَةٌ لَّا شِيَةَ فِيهَاۚ قَالُواْ ٱلْـَٰٔنَ جِئْتَ بِٱلْحَقِّۚ فَذَبَحُوهَا وَمَا كَادُواْ يَفْعَلُونَ ۝

—  2:67—71

Чулоацам

Укх сурата чу нах кхаь оагӀатах болга: цӀенна АллахӀаца им дуллачарехи, АллахӀаца керастал дечарехи, мунафикъехи.

Сурата чу дувц Ӏибадат духхьала цхьан АллахӀа́ мара де йиш ца хилар. Цу тӀа кераста на́ха́ кхерам а тосс, им дилла́ча нахага кхаъ а боаккх.

«Аль-Бакъарат» сурата чу Исраила къонгаш бувц, АллахӀа царна мел дика даьдар хьоахаду, Мусай зама ювц, Исраила къонгашка мел де́на хинна Ӏаламат дувц. Ах сурат хӀана дац аллал Исраила къонгашца дувзаденна е царга дувцаш хӀамаш дувцаш да.

Цу чу Къуръана охлошка кхайк, Мусай къаманнеи Мухьаммада ﷺ уммата́и юкъе юкъара фуд хьоахаду ИбрахӀима тӀагӀолла (цунна никъи тӀехьеи бахьан долаш), иштта къиблат ювц.

Сурата чу дувц АллахӀ цаӀ вар (тавхьид), из тӀачӀоагӀдеш дола Ӏаламаташи белгалонаши, ширкал а дувц, иштта даа хьарам даьр а, цул совгӀа хьаьналдер а хьарам дер а АллахӀ мара цахилар а. Цу тӀа дувц цӀена хилар фуд, иштта мархах а васкетах а лаьца дувц. Иштта хьоахаду нах Ӏехабеш рузкъа даарах а, чӀир лехарах а, гӀоазотах а, хьажолах а, Ӏумратах а, чхьагӀарах а, майсирах (шокъ тӀайоагӀача ловзарех) а, мах барах а, йитарах а, бита́ча исташта уж маьре баха йиш йоаца ха йиллар а (Ӏиддат), бер докхадарах а, рузкъа дӀадохкарах а, базарах а, декхарех а, йоалах ахча эцарах-дӀадаларах а иштта кхычох аи т. п.

Сурата чу догтешаде деза хӀамаш дувц, АллахӀ цаӀ вар а къематди а. Сурат чакхдоалл им диллача наьха дуӀанца, кераста нахага гӀо дехаш АллахӀага деш дола дуӀанца.

Аль-Бакъарата чу дувц иштта кераста нах бусалба нахах цӀаккха раьза хургбоацилга шоллагӀбараш хьалхарчарна тӀехьабаззалца.

ШарӀах тӀаоттар (валий хилар) АллахӀаца им диллача нахага мара дац, тӀаккха кераста, харцача гоаварашта из доагӀаш дац. АллахӀа динах теша веза из дессача тайпара, цу тӀара воалаш хилча къовсамаши довнаши мара а хилац, наха юкъе фитнат а хул. Иштта Бакъарата тӀа дувц ламаз а загат а.

Иштта АллахӀа дувц ше цхьадола даа хӀама хьаьналдаьлга а, цхьадар хьарамдаьлга а. Иштта дувц ца вала хьарам хӀама дича, цох къа ца хулилга, хӀана аьлча цун низ кхоачаргбоацар АллахӀа тӀадиллац сага́.

ХӀара саго ше даьччунга хьежжа токхаргхилар а хьоахаду, цхьан саго кхычо даьчох хьалхара жоп лургдоацилга а.

НизагӀа ислам тӀаэцийта йиш йоацилга а дувц. Ислам дингахь гӀоазот чӀоагӀдаь да АллахӀа дин массанахьа дӀадоаржадергдолаш. Динца моастагӀал леладеш воацар ваха вут шийга гӀолла, нагахь из им дилла хиннавеце, ший кераста ийша хиларах джизьят телаш дӀавах из бусалба паччахьалкхе.

Аят аль-Курси

Аят аль-Курси Ӏарбий меттала «[Паччахьа] ГӀанда аят» яхилга да. Цу терминца цӀи йоаккх аль-Бакъарата 255-ча аятах. Цу чу АллахӀа куцаш дувц, тавхьийд а дувц.

ТӀатовжамаш

• Сура 2. Аль-Бакара // Йусуф Али «The Holy Qur’an» (Священный Коран: Текст, перевод и комментарии), 1938 г.