Ди (низ)
Ди (да) — сага низ, онк, цун низ кхоачар да. Ди яхар сага чура низ ба, цудухьа гӀалгӀай кица да «Хьай ди довзаш вахалва хьо» яхаш — цун маӀан да «Хьай низ мел-б, хьай фу са да ховш вахалва хьо хьай низ кхоачаргбоацачоа хьо тӀагӀертарг а воацаш, хьайна онк тоъчох хьо ударг а воацаш».
Литературе
[тоаде | тоаде чура]Хьай ди довзаш вахалва хьо, яхад вай даьша,
Из кхетаде низ кхоачаш, вахалва хьо маьрша.
ДоттагIа а моастагIа а къоастве ховш,
Ваха хьажалахь, нахаца товш.
Уйла ца еш аьнна дош — гIаьттий яьнна топ,
Цо даьча зуламах дала деза хьа жоп.
Хьарамчох лоралелахь, ма делахь къоал.
Хьай мехка ма дайталахь моастагӀашка доал.
Овла ца бовзаш ма лехалахь куц.
Дино а яац хьона бIехача яьнна буц.
Ма эшалда хьона, тух, сискал, хий.
Цхьан хIамах ма дохкалахь хьай къаман сий.
Хьайга кхоаче дика хьайга кхоаче во,
Вехе ма хьовзалахь эсала саг мо.
Iовдала саг хествеш ма дувцлахь товр.
Вирах а ди хугбац аларах говр.
ЗIамагIчох къахеталахь, воккхагIчох — эхь.
Йокъаенна чIегI я эздел доаца дегI.
Хугдоацачунга сатувсаш ма дахалахь дог.
Воча нахаца ма леллахь — дIакхет хьона ког.
Рузкъо хьаьрвоакх хьона, хьалтетташ кий.
Доккха къамаьл ма дувцалахь довгда хьа сий.
Тийша болх ма белахь, ма елахь вас.
Хьалкхесса кхера мо юхакхоач из масса.
.