Горчханаькъан Къурейша Тамерлан
| Горчханаькъан Къурейша Тамерлан | ||||||
|---|---|---|---|---|---|---|
| Горчханов Тамерлан Курейшович | ||||||
| Файл:Горчханаькъан Тамерлан.jpg | ||||||
|
||||||
| Правительствон Дá | Дидиганаькъан Илеза Мухарбик | |||||
|
|
||||||
| Болхговзал | лор | |||||
Горчханаькъан Къурейша Тамерлан (эрс: Горчханов Тамерлан Курейшевич; ) — советийи Россеи лор-травматолог, ГӀалгӀай Мехка могашал лораяреи социальни гӀодареи министр.
Биографи
[тоаде | тоаде чура]Горчханаькъан Къурейша Тамерлан ваьв 1932-ча шера Къулбаседа Кавказе ГӀалгӀай автономе областе. Къамах гӀалгӀа ва[1].
ЗӀамига волча хана 1944-ча шера саькура бетта 23-ча дийнахьа ГӀалгӀай къам мехках доаккхача хана из шоай гаргарча нахаца Казахехьа Ӏовигав, цига да, нана доацаш висав из.
Цо дийша йистеяькхай Карагандера лорий институт.
1960-ча шера денз болх беш хиннав Нохч-ГӀалгӀай АССР Наьсарен шахьаре травтатолог волаш, тӀехьагӀо — дарбанчен керттерча лора когаметтаоттар волаш.
Цо болх баьб Курганерча академика Илизарова Г. А. цӀерагӀа йолча экспериментальнии клиническии ортопедеи травматологеи Ӏилман-тохкама институте[2].
Дукха болх беш хиннав Шолжа-ГӀалий тӀа[3]. ТӀехьагӀо из кулгал деш хиннав республика поликлинике, Наьсарерча клинически дарбанче керттера лор хиннав.
1994-ча шера маьцхали бетта 20-ча дийнахьа — ГӀалгӀай Мехка могашал лораяреи социальни гӀодареи министр, цу дарже цо болх баьб кхо шу совгӀа[4].
Горчханаькъан Къурейша Тамерлан 1994-ча шера оагӀой бетта 11-ча дийнахьа Нохчий мехка эрсечен бӀу чубийрзача хана машенаца духьалваьнна хиннав, Шолжа-ГӀалий тӀа уж Ӏочу ца бахийта. БӀухоша из човнаш яь, лозаваь новкъа витав, иштта човхаяьй цун машен а, танк тӀехьаяьккха оагӀув лозабеш[5]. Горчханаькъан Тамерлан инфаркт миокарда хинна дарбанче вигав, цхьабакъда дарбанче дӀакхаьчавац, новкъа веннав. Цу дийнахьа дӀавеллав из[4].
Дагалоацам
[тоаде | тоаде чура]
Цун цӀерагӀа Нохчий Мехка Ведана шахьаре МехкатӀе яхача юрта 2017-ча шера «Тамерлана гӀала» аьнна цӀи яьккха сийленг хьалдаьд нохч-гӀалгӀай гӀалан хьисапе[6][7]. ГӀала лакха я 22 метр. Ларда шорол — 7 метр. ГӀалий 6-ча гӀата тӀа тайп-тайпарча заман тархьара экспозицеш я хьокха оттаяь. ГӀишло йоттача кулгал деш хиннав Исалдибиров Далхалд. Сийленг дотта дагадехар ва тархьара Ӏилмай кандидат Нунуев СаӀид-Хьамзат.
Дезал
[тоаде | тоаде чура]Саг йоалаяь хиннав, виъ дезалхо хиннав:
- ЙоӀ Горчханаькъан Тамара (яьй 1959), ГБУЗ «Пхьен поликлиника» керттера лор, Наьсаре[8]
- ВоӀ Мухьмад (1964—1992), из вийннав гӀалгӀашца хӀирий къовсабеннача хана. 1992-ча шера ардара бетта 31-ча дийнахьа мединститута общежите шийцарча новкъостаца ЦӀолой Мустафайца дӀалаьцав, цул тӀехьагӀа вийннав[5].
- ВоӀ Беслан[9]
- воӀ (ваьв 1984)
Белгалдаккхар
[тоаде | тоаде чура]- ↑ В Чечне открылся мемориальный комплекс в честь Тамерлана Горчханова, The Magas Times (01.07.2017).
- ↑ Ахмет Газдиев. БАШНЯ ТАМЕРЛАНА. (тӀакхача вӀаштехьа доаца тӀатовжам — тархьар).
- ↑ ГОРЧХАНОВ ТАМЕРЛАН КУРЕЙШЕВИЧ. (тӀакхача вӀаштехьа доаца тӀатовжам — тархьар). Архиве диллад 2021 шера оагӀой 9 дийнахьа.
- 1 2 Информационное агентство «Чеченинфо». 1994 г. Т. Горчханов. Чеченская трагедия и «Башня Тамерлана» (эрс.) (тӀакхача вӀаштехьа доаца тӀатовжам — тархьар) (14.12.2015). ТӀеххьара техка хиннад укх дийнахьа: 19.07.2016.
- 1 2 Терентьева Л., 1994.
- ↑ В с.п. Махкеты состоится открытие мемориального комплекса имени Тамерлана Горчханова (эрс.). ИА Мангазея (19 аьтинга 2017). ТӀеххьара техка хиннад укх дийнахьа: 19.03.2020.
- ↑ В Чечне построили «Башню Тамерлана» — символ вайнахского единения (тӀакхача вӀаштехьа доаца тӀатовжам — тархьар). ТӀеххьара техка хиннад укх дийнахьа: 18.07.2016. Архиве оттадаьд хьалхара хьаста чура укх дийнахьа: 17.09.2016.
- ↑ Горчханова Тамара Тамерлановна. (тӀакхача вӀаштехьа доаца тӀатовжам — тархьар). Архиве диллад 2021 шера оагӀой 9 дийнахьа.
- ↑ В центре села Махкеты Веденского района Чеченской Республики строится боевая башня в память о Тамерлане Горчханове. (тӀакхача вӀаштехьа доаца тӀатовжам — тархьар).
ТӀатовжамаш
[тоаде | тоаде чура]- Терентьева Л. Бросили умирать на обочине // Комсомольская правда. — 1994. — 15 декабря дийнахьа.