Аьла

Аьла (эрс: князь) — феодальни монархи йолча паччахьалкхен (оалойчен) да́ е IX-XVI бӀаьшерашка дукхагӀа славаьний къамашта юкъе хинна лакхагӀа лаьтта́ча аьлано паччахьалкхен цхьан даькъа́ доалде увттавеш хинна урхаз; цхьа къаьстта болча политически кхоллама да́ (къаьстта вола аьла). Славаьнашта юкъе феодальни эздий викал хиннав; тӀехьагӀа — эздий лакхера титул лоархӀаш хиннай. Аьлан лоадама дарж паччахьа къонгашта е герцогашта нийса лоархӀаш хиннав Малхбузерчеи ЗӀилбухерчеи Европе. Юкъерча Европе (Супа Румой импери хиннача) цу титулах фюрст оалаш хиннад, хӀаьта ГӀинбухерча Европе — конунг. Аьлий иштта цхьадолча кавказа къамашта юкъе а хиннаб.